ஐபிஎல் 2023 : பர்ப்பிள் கேப் வெல்ல வாய்ப்புள்ள இந்திய வீரர்களின் பட்டியல்!
செய்தி முன்னோட்டம்
ஐபிஎல் 2023 தொடர் இறுதிக்கட்டத்தை நெருங்கும் நிலையில், இந்த முறை பர்ப்பிள் கேப்பை கைப்பற்றப்போவது யார் என்ற எதிர்பார்ப்பு எழுந்துள்ளது.
பர்ப்பிள் கேப்பை வெல்ல வாய்ப்புள்ள இந்திய வீரர்களை குறித்து இதில் பார்க்கலாம்.
தற்போதைய நிலையில், குஜராத் டைட்டன்ஸ் அணியின் வேகப்பந்து வீச்சாளர் முகமது ஷமி இதுவரை 13 போட்டிகளில் விளையாடி 23 விக்கெட்டுகளை வீழ்த்தி ஐபிஎல் 2023 தொடரின் பர்ப்பிள் கேப் தன் வசம் வைத்து, முன்னிலையில் உள்ளார்.
இவருக்கு அடுத்தபடியாக கடந்த சீசனின் பர்ப்பிள் கேப் வெற்றியாளரும் ராஜஸ்தான் ராயல்ஸ் லெக் ஸ்பின்னருமான யுஸ்வேந்திர சாஹல் இதுவரை 13 போட்டிகளில் 21 விக்கெட்டுகளை வீழ்த்தி வலுவான போட்டியாளராக உள்ளார்.
possible indian players to secure purple cap
சென்னை சூப்பர் கிங்ஸ் வீரர்களுக்கும் வாய்ப்பு
மும்பை இந்தியன்ஸ் அணியின் பியூஷ் சாவ்லா இதுவரை 13 போட்டிகளில் 20 விக்கெட்டுகளை வீழ்த்தி பர்ப்பிள் கேப்பை வெல்லும் வாய்ப்புள்ளவராக உள்ளார்.
கொல்கத்தா நைட் ரைடர்ஸ் அணியின் சுழற்பந்து வீச்சாளர் வருண் சக்ரவர்த்தி 13போட்டிகளில் 19 விக்கெட்டுகளை வீழ்த்தி அந்த அணியின் அதிகபட்ச விக்கெட் வீழ்த்தியவராகவும் உள்ளார்.
சென்னை சூப்பர் கிங்ஸ் அணியின் துஷார் தேஷ்பாண்டே 13 போட்டிகளில் 19 விக்கெட்டுகளுடனும், ரவீந்திர ஜடேஜா 13 போட்டிகளில் 16 விக்கெட்டுகளுடன் பர்ப்பிள் கேப்பை வெல்ல வாய்ப்புள்ள வீரர்களாக உள்ளனர்.
மேலும் குஜராத் டைட்டன்ஸ் அணியின் வேகப்பந்து வீச்சாளர் மோஹித் ஷர்மா 10 போட்டிகளில் 17 விக்கெட்டுகளை வீழ்த்தியுள்ளார்.
வெளிநாட்டு வீரர்களை பொறுத்தவரை ரஷீத் கான் மட்டுமே 23 விக்கெட்டுகளை கைப்பற்றி முன்னிலையில் உள்ளார்.