பிஎஸ்ஜி அணியுடனான ஒப்பந்தத்தை நீட்டிக்க கைலியன் எம்பாபே மறுப்பால் அணி நிர்வாகம் அதிர்ச்சி
பிரெஞ்சு கால்பந்து வீரர் கைலியன் எம்பாபே, அடுத்த ஆண்டு ஜூன் மாதத்துடன் பிஎஸ்ஜி அணியில் தனது ஒப்பந்தத்தை முடித்துக் கொள்வதாக பிஎஸ்ஜி நிர்வாகத்திடம் தெரிவித்துள்ளதாக தகவல் வெளியாகியுள்ளது. ஏற்கனவே லியோனல் மெஸ்ஸி அணியிலிருந்து விலகிய நிலையில், தற்போது கைலியன் எம்பாபேவும் விலகுவது பிஎஸ்ஜி அணிக்கு அதிர்ச்சியை கொடுத்துள்ளது. இதனால், கைலியனை வரவிருக்கும் சீசனுக்கு முன்னதாக வேறு அணிக்கு விற்கவோ அல்லது வேறு அணிக்கு மாற்றவோ செய்ய வேண்டிய கட்டாயத்தில் உள்ளது. எனினும் எம்பாபேவுடன் பேசி அவரது ஒப்பந்தத்தை நீட்டிக்கும் முயற்சியில் பிஎஸ்ஜி நிர்வாகம் ஈடுபட்டு வருவதாகவும் கூறப்படுகிறது. முன்னதாக, 2017 ஆம் ஆண்டில், எம்பாப்பேவை 180 மில்லியன் யூரோக்களுக்கு பிஎஸ்ஜி அணி ஒப்பந்தம் செய்தது குறிப்பிடத்தக்கது.
