20 ஆண்டுகளுக்கு பிறகு மீண்டும் ஐசிசி இறுதிப் போட்டியில் ஆஸ்திரேலியாவுடன் மோதும் இந்தியா
ஆடவர் கிரிக்கெட்டில் சரியாக 20 வருடங்களுக்கு பிறகு இந்திய அணியும் ஆஸ்திரேலிய அணியும் ஐசிசி நடத்தும் தொடரின் இறுதிப் போட்டியில் நேரடியாக மோத உள்ளன. கடைசியாக 2003 ஆம் ஆண்டில் தென்னாப்பிரிக்காவில் நடைபெற்ற ஒருநாள் உலகக்கோப்பை இறுதிப்போட்டியில் இந்தியா ஆஸ்திரேலிய அணியை எதிர்கொண்டது. இதில் முதலில் பேட்டிங் செய்த ஆஸ்திரேலிய அணி 50 ஓவர்களில் 2 விக்கெட்டுகளை மட்டும் இழந்து 359 ரன்கள் குவித்தது. 360 ரன்கள் எனும் கடினமான இலக்குடன் களமிறங்கிய இந்திய அணி 39.2 ஓவர்களில் 234 ரன்களுக்கு அனைத்து விக்கெட்டுகளையும் இழந்து தோல்வியைத் தழுவியது.
2023 உலக டெஸ்ட் சாம்பியன்ஷிப் இறுதிப்போட்டி
2003க்கு பிறகு 2023 ஆம் ஆண்டில் ஐசிசி உலக டெஸ்ட் சாம்பியன்ஷிப் இறுதிப் போட்டியில் இந்திய அணி ஆஸ்திரேலியாவுடன் மோதுகிறது. உலக டெஸ்ட் சாம்பியன்ஷிப் 2023 இறுதிப் போட்டி இங்கிலாந்தின் கென்சிங்டன் ஓவல் மைதானத்தில் ஜூன் 7 ஆம் தேதி தொடங்க உள்ளது. ஜூன் 12ஆம் தேதி இந்தியா-ஆஸ்திரேலியா இடையேயான உலக டெஸ்ட் சாம்பியன்ஷிப் இறுதிப் போட்டிக்கான ரிசர்வ் தினமாகும். முன்னதாக, 2021 இல் நடந்த முதல் உலக டெஸ்ட் சாம்பியன்ஷிப்பின் இறுதிப் போட்டியிலும் விளையாடியுள்ள இந்திய அணி, நியூஸிலாந்திடம் தோல்வியைத் தழுவியது குறிப்பிடத்தக்கது.
