'இதயங்களின் ராஜா' : ஷாருக்கானை புகழ்ந்து இன்ஸ்டாகிராமில் கவுதம் காம்பிர் பதிவு
பாலிவுட் சூப்பர் ஸ்டார் ஷாருக்கான் தனது பணிவு மற்றும் பல்வேறு தரப்பு மக்களுடன் கொண்டுள்ள நட்புறவுக்காக பெயர் பெற்றவர் ஆவார். அந்த வகையில் இந்திய கிரிக்கெட் அணி வீரர் கவுதம் காம்பிர் தனக்கும் ஷாருக்கானுக்கும் உள்ள நெருக்கம் குறித்து இன்ஸ்டாகிராமில் புகைப்படத்துடன் கூடிய பதிவு ஒன்றை வெளியிட்டுள்ளார். அதில், "அவர் பாலிவுட்டின் ராஜா மட்டுமல்ல, இதயங்களின் ராஜா. நாங்கள் சந்திக்கும் ஒவ்வொரு முறையும் நான் முடிவில்லாத அன்புடனும் மரியாதையுடனும் திரும்பிச் செல்கிறேன். உங்களிடமிருந்து கற்றுக்கொள்ள நிறைய இருக்கிறது. மிகச்சிறந்தவர் ஷாருக்கான்." என காம்பிர் தெரிவித்துள்ளார். கவுதம் காம்பிர் கொல்கத்தா நைட் ரைடர்ஸ் அணிக்காக விளையாடியபோது, அந்த அணியின் உரிமையாளர்களில் ஒருவரான ஷாருக்கானுக்கும் அவருக்கும் இடையே நெருக்கமான நட்பு ஏற்பட்டது குறிப்பிடத்தக்கது.
