தலைமை பயிற்சியாளராக பொறுப்பேற்க தயார்..ஆனால்; கவுதம் கம்பீரின் வினோத கோரிக்கையை ஏற்றுக்கொண்ட பிசிசிஐ
2024 உலகக் கோப்பைக்குப்உலகக் கோப்பைக்குப் பிறகு இந்திய தலைமைப் பயிற்சியாளராக இருக்கும் ராகுல் டிராவிட்டின் பதவிக்காலம் முடிவடைய உள்ள நிலையில், இந்தியாவின் அடுத்த தலைமைப் பயிற்சியாளரை யாரை நியமிப்பது என்ற கேள்வி எழுந்தது. இதற்காக BCCI உலகளவில் விண்ணப்பங்களையும் வரவேற்றது. எனினும் இந்த பதவிக்கு கௌதம் கம்பிர் தேர்ந்தெடுக்கப்படலாம் என்ற பேச்சு பரவலாக உலவிய நிலையில், இந்தியாவின் அடுத்த தலைமை பயிற்சியாளராக கவுதம் கம்பிர் உறுதியாகிவிட்டதாக கூறப்படுகிறது. இதற்கான அறிவிப்பை பிசிசிஐ இந்த வாரம் வெளியிடும் என லைவ்மின்ட் செய்தி வெளியிட்டுள்ளது.
கம்பிரின் வினோதமான கோரிக்கை
டைனிக் ஜாக்ரானில் ஒரு அறிக்கையின்படி, பிசிசிஐ வியாழக்கிழமை கம்பீரை இந்திய தலைமைப் பயிற்சியாளராக உறுதிப்படுத்தியது. தலைமைப் பயிற்சியாளராக கம்பீர் அறிவிக்கப்படுவதற்கான சரியான தேதி, உலகக் கோப்பையின் போது இந்தியாவின் செயல்திறனைப் பொறுத்தது என்றும் அந்த அறிக்கை கூறுகிறது. எனினும் பிசிசிஐ-இடம் கம்பீர் தனது துணைப் பணியாளர்களைத் தேர்வு செய்ய அனுமதிக்குமாறு கேட்டுக் கொண்டதாகவும் கூறப்படுகிறது. தற்போதைய ஆதரவு ஊழியர்களில் பேட்டிங் பயிற்சியாளராக விக்ரம் ரத்தோர், பந்துவீச்சு பயிற்சியாளராக பராஸ் மம்ப்ரே மற்றும் பீல்டிங் பயிற்சியாளராக டி திலீப் ஆகியோர் உள்ளனர்.
பயிற்சியாளராக கவுதம் கம்பீரின் அனுபவம்
கம்பீருக்கு வீரர்களுக்கு பயிற்சியளித்த அனுபவம் குறைவு என்பது குறிப்பிடத்தக்கது. இருப்பினும், அவர் லக்னோ சூப்பர் ஜெயண்ட்ஸ் (LSG) மற்றும் கொல்கத்தா நைட் ரைடர்ஸ் (KKR) ஆகியவற்றின் வழிகாட்டியாக இருந்துள்ளார். LSG உடனான அவரது இரண்டு வருட அனுபவத்தில், அந்த அணி இரண்டு ஆண்டுகளிலும் பிளே-ஆஃப் கட்டத்தை எட்டியது. இதற்கிடையில், இந்த ஆண்டு KKR க்கு வழிகாட்டியாக அவர் இருந்த போது, 10 வருட இடைவெளிக்குப் பிறகு IPL 2024 கோப்பையை எட்டி பிடித்தது. இவையே அவர் இந்தியா அணிக்கு தலைமை பயிற்சியாளராக நியமிக்க காரணிகளாக செயல்பட்டுள்ளதாக செய்திகள் தெரிவிக்கின்றன.
