'போடியம் முதல் போராட்டம் வரை' : டெல்லியில் மல்யுத்த வீராங்கனைகள் மீண்டும் போராட்டம்
செய்தி முன்னோட்டம்
இந்த ஆண்டு தொடக்கத்தில் இந்திய மல்யுத்த சம்மேளனம் தலைவர் மற்றும் பிற பயிற்சியாளர்களுக்கு எதிராக போராட்டம் நடத்திய இந்திய மல்யுத்த வீரர்கள், வீராங்கனைகளுக்கு பாலியல் தொல்லை கொடுப்பதாக குற்றம் சாட்டினர்.
மத்திய அரசு அவர்களுடன் பேச்சுவார்த்தை நடத்தி போராட்டத்தை முடிவுக்கு கொண்டு வந்தது.
மத்திய டெல்லியில் உள்ள கனாட் பிளேஸ் காவல்நிலையத்தில் 7 பெண் மல்யுத்த வீரர்கள் கூட்டமைப்பு தலைவர் பிரிஜ் பூஷன் சரண் சிங் மீது பாலியல் துன்புறுத்தல் புகார் அளித்துள்ளனர்.
எனினும் புகாரின் அடிப்படையில் முதல் தகவல் அறிக்கை கூட இன்னும் தாக்கல் செய்யப்படவில்லை எனக் கூறப்படுகிறது.
இதனால் விரக்தியடைந்த வீரர்கள் மீண்டும் போராட்டத்தில் ஈடுபட்டு வருகின்றனர்.
Indian Wrestlers Protest
மீண்டும் ஜந்தர் மந்தரில் குவிந்த மல்யுத்த வீரர்கள்
அரசு தரப்பிலும் இது குறித்து நடத்தப்பட்ட விசாரணையின் அறிக்கையை வெளியிடாததால் அவர்கள் விரக்தி அடைந்து ஜந்தர் மந்தரில் மீண்டும் கூடி போராட்டம் நடத்தி வருகின்றனர்.
இது குறித்து பேசிய மல்யுத்த வீரர் சாக்ஷி மாலிக், "புகார்தாரர்களின் விவரங்களை கசியவிடாமல் பெண் மல்யுத்த வீராங்கனைகளின் வாக்குமூலத்தை பதிவு செய்த அறிக்கையை பகிரங்கமாக வெளியிட வேண்டும் என்று நாங்கள் விரும்புகிறோம்.
இது ஒரு முக்கியமான பிரச்சினை. புகார் அளித்தவர்களில் ஒருவர் மைனர் பெண்." என்று அவர் கூறினார்.
"எங்களுக்கு நீதி கிடைக்கும் வரை நாங்கள் இங்கேயே உறங்கி சாப்பிடப் போகிறோம். போடியம் முதல் நடைபாதை வரை." என மல்யுத்த வீரர்கள் ஒரு நடைபாதையில் தூங்கும் படத்தைப் பகிர்ந்து போகட் ட்வீட் செய்துள்ளார்.