ஆசிய கோப்பை போட்டியைக் காண பாகிஸ்தான் செல்லும் பிசிசிஐ தலைவர்
செய்தி முன்னோட்டம்
பிசிசிஐ தலைவர் ரோஜர் பின்னி மற்றும் துணைத் தலைவர் ராஜீவ் சுக்லா ஆகியோர் பாகிஸ்தான் கிரிக்கெட் வாரியத்தின் அழைப்பை ஏற்று, அந்நாட்டுக்கு செல்ல உள்ளனர்.
ஆசிய கோப்பைக்கான பாகிஸ்தான் செல்லும் பிசிசிஐ குழு, செப்டம்பர் 4 முதல் 7 வரை லாகூரில் தங்கி ஆசிய கோப்பை போட்டிகளை பார்க்க உள்ளனர்.
பாகிஸ்தான் கிரிக்கெட் வாரியம் பிசிசிஐயின் அனைத்து முதன்மைப் பொறுப்பாளர்களுக்கும் தங்கள் நாட்டுக்கு வர அழைப்பு விடுத்திருந்தாலும், பிசிசிஐ தனது தலைவர் மற்றும் துணைத் தலைவருக்கு மட்டுமே பாகிஸ்தான் செல்ல அனுமதி கொடுத்துள்ளது.
மிகவும் எதிர்பார்க்கப்படும் ஆசிய கோப்பை தொடரின் முதல் போட்டி ஆகஸ்ட் 30 அன்று பாகிஸ்தானின் முல்தானில் பாகிஸ்தான் மற்றும் நேபாள கிரிக்கெட் அணிகள் இடையே நடைபெற உள்ளது குறிப்பிடத்தக்கது.
bcci team also visit srilanka
இலங்கைக்கும் பயணம் செய்யும் பிசிசிஐ குழு
பிசிசிஐ தலைவர் ரோஜர் பின்னி, துணைத்தலைவர் ராஜீவ் சுக்லா, செயலாளர் ஜெய் ஷா ஆகியோர் அடங்கிய குழு, இந்தியா மற்றும் பாகிஸ்தான் கிரிக்கெட் அணிகள் இடையே செப்டம்பர் 2ஆம் தேதி இலங்கையில் நடக்கும் போட்டியை காண அங்கு செல்கிறார்கள்.
அங்கிருந்து மூவரும் செப்டம்பர் 3ஆம் தேதி இந்தியா திரும்பும் நிலையில், தலைவர் மற்றும் துணைத் தலைவர் வாகா எல்லை வழியாக தரை மார்க்கத்தில் லாகூர் செல்கிறார்கள்.
செப்டம்பர் 4ஆம் தேதி பாகிஸ்தான் கிரிக்கெட் வாரியத்தால் ஏற்பாடு செய்யப்பட்டுள்ள விருந்தில் இருவரும் கலந்துகொள்கின்றனர்.
அதன் பின்னர் செப்டம்பர் 5ஆம் தேதி ஆப்கானிஸ்தான் மற்றும் இலங்கை இடையிலான ஆட்டத்தையும், அடுத்த நாள் சூப்பர் ஃபோர் சுற்றின் தொடக்க ஆட்டத்தையும் நேரில் கண்டுகளிப்பார்கள் எனக் கூறப்படுகிறது.