2025க்கான இந்திய ஆடவர் கிரிக்கெட் அணியின் உள்நாட்டு அட்டவணையை வெளியிட்டது பிசிசிஐ
செய்தி முன்னோட்டம்
இந்திய கிரிக்கெட் கட்டுப்பாட்டு வாரியம் (பிசிசிஐ), வெஸ்ட் இண்டீஸ் மற்றும் தென்னாப்பிரிக்காவை உள்ளடக்கிய ஆடவர் இந்திய கிரிக்கெட் அணியின் 2025 ஆம் ஆண்டுக்கான சொந்த மண்ணில் நடைபெறும் சீசனுக்கான அட்டவணையை வெளியிட்டுள்ளது.
இந்த சீசன் அக்டோபர் 2 ஆம் தேதி வெஸ்ட் இண்டீஸ் கிரிக்கெட் அணிக்கு எதிரான இரண்டு போட்டிகள் கொண்ட டெஸ்ட் தொடருடன் தொடங்குகிறது.
அதைத் தொடர்ந்து தென்னாப்பிரிக்காவுக்கு எதிரான அனைத்து வடிவிலான தொடரும் நடைபெறும்.
வெஸ்ட் இண்டீஸுக்கு எதிரான முதல் டெஸ்ட் போட்டியை அகமதாபாத் நடத்தும். இரண்டாவது டெஸ்ட் அக்டோபர் 10 ஆம் தேதி கொல்கத்தாவில் திட்டமிடப்பட்டுள்ளது.
தென்னாப்பிரிக்கா
தென்னாப்பிரிக்காவுக்கு எதிரான தொடர்
இதன் பிறகு, இந்தியா ஒரு வரலாற்று சிறப்புமிக்க டெஸ்ட் கிரிக்கெட் தொடரில் தென்னாப்பிரிக்காவை எதிர்கொள்ளும்.
இந்த டெஸ்ட் தொடரின் முதல் போட்டியை கவுகாத்தி நடத்தும். முதல் டெஸ்ட் போட்டி நவம்பர் 14 ஆம் தேதி டெல்லியிலும், இரண்டாவது டெஸ்ட் போட்டி நவம்பர் 22 ஆம் தேதி குவஹாத்தியிலும் நடைபெறும்.
தென்னாப்பிரிக்கா தொடர் நவம்பர் 30 ஆம் தேதி ராஞ்சியில் தொடங்கி, ராய்ப்பூரில் (டிசம்பர் 3) மற்றும் விசாகப்பட்டினத்தில் (டிசம்பர் 6) மூன்று ஒருநாள் கிரிக்கெட் போட்டிகள் நடைபெறும்.
அதைத் தொடர்ந்து கட்டாக் (டிசம்பர் 9), நியூ சண்டிகர் (டிசம்பர் 11), தர்மசாலா (டிசம்பர் 14), லக்னோ (டிசம்பர் 17) மற்றும் அகமதாபாத்த்தில் (டிசம்பர் 19) ஐந்து போட்டிகள் கொண்ட டி20 தொடர் நடைபெறும்.