AFG vs BAN டெஸ்ட் : மூன்றாம் நாள் முடிவில் 616 ரன்கள் முன்னிலையில் வங்கதேசம்
செய்தி முன்னோட்டம்
ஆப்கானிஸ்தான் - வங்கதேசம் இடையேயான டெஸ்ட் கிரிக்கெட் போட்டியின் மூன்றாம் நாள் (ஜூன் 16) முடிவில் வங்கதேசம் 616 ரன்கள் முன்னிலையில் உள்ளது.
போட்டியின் முதல் இன்னிங்ஸில் வங்கதேச கிரிக்கெட் அணி நஜ்முல் ஹொசைன் சாண்டோவின் அபார சதத்தின் மூலம் 382 ரன்கள் குவித்தது.
ஆப்கானிஸ்தான் கிரிக்கெட் அணி முதல் இன்னிங்சில் 146 ரன்களுக்கு அவுட்டான நிலையில், வங்கதேசம் பாலோ ஆன் கொடுக்காமல் இரண்டாவது இன்னிங்ஸை தொடங்கியது.
போட்டியின் மூன்றாம் நாளில் வங்கதேசம் இரண்டாவது இன்னிங்ஸில் 425 ரன்கள் எடுத்த நிலையில் டிக்ளர் செய்தது.
நஜ்முல் ஹொசைன் சாண்டோ மற்றும் மொமினுல் ஹாக்கும் சதமடித்த நிலையில், ஜாகீர் ஹசன் மற்றும் லிட்டன் தாஸ் அரைசதங்களை அடித்தனர்.
Bangaladesh leads to victory
வெற்றியை நோக்கி வங்கதேச கிரிக்கெட் அணி
662 ரன்கள் இலக்குடன் இரண்டாவது இன்னிங்ஸை தொடங்கிய ஆப்கான் கிரிக்கெட் அணி, மூன்றாம் நாள் முடிவில் 2 விக்கெட் இழப்பிற்கு 45 ரன்கள் எடுத்துள்ளது. இன்னும் இரண்டு நாட்கள் கைவசம் உள்ள நிலையில் ஆப்கானிஸ்தான் வெற்றி பெற இன்னும் 617 ரன்கள் தேவை.
நஜ்முல் ஹொசைன் சாண்டோ இரண்டாவது இன்னிங்ஸில் 124 ரன்கள் எடுத்து சதமடித்ததன் டெஸ்ட் கிரிக்கெட்டில் இரண்டு இன்னிங்ஸிலும் சதமடித்த இரண்டாவது வங்கதேச கிரிக்கெட் வீரர் என்ற சாதனையை படைத்துள்ளார்.
இதற்கு முன்னர் மொமினுல் ஹக் மட்டுமே இந்த சாதனையை செய்துள்ளார்.
இதற்கிடையே இரண்டாவது இன்னிங்ஸில் சதமடித்த மொமினுல் ஹக் டெஸ்ட் கிரிக்கெட்டில் தனது 12வது சதத்தையும், ஏப்ரல் 2021க்கு பிறகு முதல் சதத்தையும் அடித்தார்.