ஆசிய சாம்பியன்ஸ் டிராபி 2024: பாகிஸ்தானை வீழ்த்தியது இந்திய ஹாக்கி அணி
ஆசிய சாம்பியன்ஸ் டிராபி 2024இல் இந்திய ஹாக்கி அணி தனது ஐந்தாவது குரூப் ஆட்டத்தில், பாகிஸ்தானுக்கு எதிராக 2-1 என்ற கோல்கணக்கில் வெற்றி பெற்றது. இதன் மூலம் பாகிஸ்தானால் கடந்த எட்டு ஆண்டுகளாக வீழ்த்த முடியாத அணியாக இந்தியா உள்ளது. 2016 தெற்காசிய விளையாட்டுப் போட்டியின் இறுதிப் போட்டிக்குப் பிறகு இந்திய ஹாக்கி அணி பாகிஸ்தானிடம் தோல்வியையே கண்டதில்லை. அதன்பின் 17 ஆட்டங்களில் இரு அணிகளும் நேருக்கு நேர் மோதியுள்ள நிலையில், இந்தியா பாகிஸ்தானுக்கு எதிராக பெற்ற 15வது வெற்றி இதுவாகும். மீதமுள்ள இரண்டு ஆட்டங்கள் டிராவில் முடிந்தன. இதற்கிடையே, இந்த வெற்றியின் மூலம், நடப்பு ஆசிய சாம்பியன்ஷிப் தொடரில் இந்தியா குழுநிலையில், தனது ஐந்து ஆட்டங்களிலும் வெற்றி பெற்றுள்ளது.
