யூடியூப் பிரீமியம் பயனர்கள் இப்போது மெயில் செக் செய்துகொண்டே Shorts பார்க்கலாம்
செய்தி முன்னோட்டம்
யூடியூப் பிரீமியம், பயனர் அனுபவத்தை மேம்படுத்த பல புதுமையான அம்சங்களை அறிமுகப்படுத்தியுள்ளது.
அவற்றில் ஒன்று ஆண்ட்ராய்டு பயனர்களுக்கான பிக்சர்-இன்-பிக்ச்சர் பயன்முறையாகும்.
இது மற்ற ஆப்ஸ்களைப் பயன்படுத்தும் போது shortsகளைப் பார்க்க அனுமதிக்கிறது.
உதாரணத்திற்கு சப்ஸ்க்ரைபர்கள் மெயில்களைச் செக் செய்யும்போது, யூட்யூபை தொடர்ந்து பார்க்கலாம்.
ஷார்ட்ஸிற்கான ஸ்மார்ட் டவுன்லோடுகளையும் யூடியூப் நிறுவனம் சோதித்து வருகிறது.
இது பயனர்களின் சாதனங்களில் குறுகிய வடிவ வீடியோக்களை ஆஃப்லைனில் பார்ப்பதற்காக தானாகவே சேமிக்கும்.
யூடியூப் பிரீமியத்தில் "ஜம்ப் அஹெட்" அம்சமும் சேர்க்கப்பட்டுள்ளது. இது செயற்கை நுண்ணறிவு மற்றும் பார்வையாளர்களின் தரவைப் பயன்படுத்தி வீடியோவின் மிகவும் ஈர்க்கக்கூடிய பகுதிகளைக் கண்டறிந்து விரைவாகத் தாவுகிறது.
தற்போது அமெரிக்காவில் உள்ள ஆண்ட்ராய்டு பயனர்களுக்கு அறிமுகமாகியுள்ள இந்த வசதி விரைவில் iOS பயனர்களுக்கும் நீட்டிக்கப்படும்.
AI பரிசோதனை
மேம்படுத்தப்பட்ட ஊடாடலுக்கான உரையாடல் AI கருவி
யூடியூப் தற்போது ஒரு உரையாடல் AI கருவியை சோதித்து வருகிறது. இது பயனர் கேள்விகளுக்கு பதிலளிக்கலாம் மற்றும் தற்போதைய வீடியோவில் குறுக்கிடாமல் தொடர்புடைய உள்ளடக்கத்தை பரிந்துரைக்கலாம்.
இருப்பினும், இந்த சோதனை அம்சம் "லிசென்" பட்டனைக் காண்பிக்கும் ஆங்கில வீடியோக்களுக்கு மட்டுமே கிடைக்கும்.
மேலும் இது அமெரிக்காவில் உள்ள பயனர்களுக்கு மட்டுமே.
யூடியூப் இயங்குதளமானது டெஸ்க்டாப் பயனர்களுக்காக அதன் கண்காணிப்புப் பக்கத்தை மறுவடிவமைத்துள்ளது.
பிரீமியம் சந்தா சேவைகளை விரிவுபடுத்தும் நோக்கத்தை YouTube வெளிப்படுத்தியுள்ளது.
இது ஒரு தனி சமூக இடுகையில் கூறப்பட்டுள்ளது. இருப்பினும், புதிய திட்டங்கள் அல்லது கூடுதல் பலன்கள் பற்றிய குறிப்பிட்ட விவரங்கள் எதுவும் வழங்கப்படவில்லை.