புதிய 'ஸ்மார்ட் பேண்டு 8 ஆக்டிவ்' ஸ்மார்ட் பேண்டை இந்தியாவில் அறிமுகப்படுத்தியிருக்கிறது ஷாவ்மி
செய்தி முன்னோட்டம்
இந்தியாவில் புதிய ஸ்மார்ட் பேண்டை வெளியிட்டிருக்கிறது சீன மின்சாதன தயாரிப்பு நிறுவனமான ஷாவ்மி. என்னென்ன வசதிகளுடன் வெளியாகியிருக்கிறது ஷாவ்மியின் புதிய 'ஸ்மார்ட் பேண்டு 8 ஆக்டிவ்'?
450 நிட்ஸ் அதிகபட்ச வெளிச்சம் கொண்ட 1.47 இன்ச் TFT திரையைப் பெற்றிருக்கிறது ஷாவ்மியின் புதிய ஸ்மார்ட் பேண்டு 8.
100-க்கும் மேற்பட்ட வாட்ச் முகங்கள், 50-க்கும் மேற்பட்ட ஃபிட்னஸ் மோடுகளுடன், 24 மணி நேர SpO2 கண்காணிப்பு வசதி, மனஅழுத்தம், தூக்கம் மற்றும் மாதவிடாய் ஆகியவற்றை கண்காணிக்கும் வசதிகளையும் புதிய ஸ்மார்ட் பேண்டு 8 ஆக்டிவில் அளித்திருக்கிறது ஷாவ்மி.
கருப்பு, நீலம், ஐவரி, ஆலிவ் மற்றும் பிங்க் ஆகிய ஐந்து நிறங்களில் வெளியிடப்பட்டிருக்கிறது ஷாவ்மியின் இந்தப் புதிய ஸ்மார்ட் பேண்டு.
ஷாவ்மி
ஷாவ்மி ஸ்மார்ட் பேண்டு 8 ஆக்டிவ்: பிற வசதிகள் மற்றும் விலை
210mAh பேட்டரியுடன் 14 நாட்கள் வரை நீடிக்கும் பயன்பாட்டை அளிக்கிறது இந்தப் புதிய ஸ்மார்ட் பேண்டு. மேலும், 120 நிமிடங்களில் முழுவதுமாக சார்ஜ் ஆகிறது இதன் பேட்டரி.
50மீ வரையிலான வாட்டர் ரெசிஸ்டன்ட் வசதியைக் கொண்டிருக்கும் இந்த ஸ்மார்ட் பேண்டினை, ஆண்ட்ராய்டு 8.0 அல்லது அதற்கும் மேற்பட்ட இயங்குதளங்கள் மற்றும் ஐஓஎஸ் 12.0 மற்றும் அதற்கும் மேற்பட்ட இயங்குதளங்களில் பயன்படுத்த முடியும்.
சீரான கனெக்டிவிட்டிக்காக ப்ளூடூத் 5.1 வசதி கொடுக்கப்பட்டிருக்கும் இந்த ஸ்மார்ட் பேண்டு 8 ஆக்டிவை, இந்தியாவில் ரூ.2,574 விலையில் வெளியிட்டிருக்கிறது ஷாவ்மி.
இந்தியா மட்டுமின்றி பிரிட்டன், ஜெர்மனி மற்றும் சில சர்வதேச சந்தைகளிலும் இந்த ஸ்மார்ட் பேண்டை அறிமுகப்படுத்தியிருக்கிறது ஷாவ்மி.