உலகின் முதல் நுரையீரல் புற்றுநோய் தடுப்பூசிக்கான சோதனை ஓட்டம் தொடங்கியது
பயோஎன்டெக் நிறுவனத்தால் உருவாக்கப்பட்ட BNT116 என்ற தடுப்பூசி, மிகவும் பொதுவான புற்றுநோய் வகையான பெரிய செல் லங் கான்சர் (NSCLC) எனும் நுரையீரல் புற்றுநோய்க்கு சிகிச்சையாக பயன்படுத்துவதற்கான சோதனை தொடங்கியுள்ளது. ஆகஸ்ட் 20ஆம் தேதி, லண்டன் பல்கலைக்கழக மருத்துவமனையில் உள்ள ராக்ஸ் என்ற நோயாளிக்கு செலுத்தப்பட்டதன் மூலம் இந்த சோதனை தொடங்கப்பட்டது. இந்த பரிசோதனை, இங்கிலாந்து, அமெரிக்கா, ஜெர்மனி, ஹங்கேரி, பொலந்து, ஸ்பெயின் மற்றும் துருக்கி போன்ற ஏழு நாடுகளில் உள்ள 34 ஆய்வு மையங்களில் துவங்கப்பட்டுள்ளது. இங்கிலாந்து மற்றும் வேல்ஸில் உள்ள ஆறு மையங்கள் இந்த முதல் கட்ட மருத்துவ பரிசோதனையில் பங்குபெறுகின்றன. மொத்தம் 130 நோயாளிகள் மீது இந்த தடுப்பூசிக்கான மனித பரிசோதனைகள் நடைபெறுகின்றன.
நுரையீரல் புற்றுநோயால் 18 லட்சம் மரணங்கள்
ஒவ்வொரு ஆண்டும் உலகளவில் சுமார் 18 லட்சம் மரணங்களை ஏற்படுத்தும் நுரையீரல் புற்றுநோய், புற்றுநோய் மரணங்களுக்கு மிகப்பெரிய காரணமாக உள்ளது. இங்கிலாந்தில் மட்டும், ஒவ்வொரு ஆண்டும் சுமார் 48,500 நுரையீரல் புற்றுநோய் நோயாளிகள் பதிவாகின்றனர். இதன் 72 சதவீதம் புகைப்பிடிப்பதனால் ஏற்படும். இந்நிலையில், BNT116 தடுப்பூசி உடலில் புற்றுநோய் செல்களை கண்டறிந்து அழிக்கவும், பிற்காலத்தில் மீண்டும் வந்துவிடாமல் தடுப்பதற்கும் உதவுகிறது என்று 'தி கார்டியன்' பத்திரிகை அறிக்கையில் கூறியுள்ளது. லண்டன் பல்கலைக்கழக மருத்துவமனையைச் சேர்ந்த அறிஞர் சியோ மிங் லீ, "நாம் எம்ஆர்என்ஏ அடிப்படையிலான இம்மியூனோதெரபி மருத்துவ பரிசோதனைகளில் புதிய பரிமாணத்தை அடைந்து நுரையீரல் புற்றுநோய் சிகிச்சையை ஆய்வு செய்யும் சரியான காலகட்டத்துக்கு வருகை தந்துள்ளோம்." என்று கூறியுள்ளார்.
