சீனாவில் புதிய X100 5G ஸ்மார்ட்போனை அறிமுகப்படுத்தும் விவோ, இந்தியாவில் எப்போது?
செய்தி முன்னோட்டம்
சீனாவில் இந்த மாதம் 13ம் தேதியன்று புதிய X100 5G ஸ்மார்ட்போன் மாடலை அறிமுகப்படுத்தவிருக்கிறது விவோ. சீனாவைத் தொடர்ந்து இந்த ஆண்டு இறுதியில் அல்லது அடுத்த ஆண்டு தொடக்கத்தில் இந்த ஸ்மார்ட்போனை இந்தியாவில் அந்நிறுவனம் வெளியிடலாம் என எதிர்பார்க்கப்படுகிறது.
இந்தப் புதிய விவோ ஸ்மார்ட்போன் குறித்த தகவல்கள் தற்போது இணையத்தில் கசிந்திருக்கின்றன. 120Hz ரெப்ரெஷ் ரேட் கொண்ட 6.78-இன்ச் டிஸ்பிளே மற்றும் இன்-டிஸ்பிளே ஃபிங்கர்பிரிண்ட் சென்சார் உள்ளிட்ட வசதிகளைக் கொண்டு வெளியாகவிருக்கிறது விவோ X100 5G.
பின்பக்கம் 50MP முதன்மைக் கேமரா, 50MP அல்ட்ரா-வைடு கேமரா மற்றும் 64MP டெலிபோட்டோ லென்ஸ் என ட்ரிபிள் கேமரா செட்டப்பும், முன்பக்கம் 32MP செல்ஃபி கேமராவும் இந்த X100 5G-யில் கொடுக்கப்பட்டிருக்கிறது.
விவோ
விவோ X100 5G: ப்ராசஸர் மற்றும் பிற வசதிகள்
புதிய X100 5G ஸ்மார்ட்போனில் மீடியாடெக் டைமன்சிட்டி 9300 ப்ராசஸரையும், ஆண்ட்ராய்டு 14ஐ அடிப்படையாகக் கொண்ட ஆரிஜின் ஓஎஸ் இயங்குதளத்தையும் விவோ கொடுத்திருப்பதாகத் தகவல் வெளியாகியிருக்கிறது.
16GB வரையிலான ரேமும், 1TB வரையிலான UFS 4.0 ஸ்டோரேஜ் வசதியும் புதிய X100 5G-யில் கொடுத்திருக்கிறது விவோ. மேலும், 120W ஃபாஸ்ட் சார்ஜிங் வசதி கொண்ட 5,000mAh பேட்டரியும் கொடுக்கப்படவிருக்கிறது.
சீனாவில் இந்த விவோ X100 5G ஸ்மார்ட்போனானது இந்திய மதிப்பிற்கு ரூ.45,000 விலையில் வெளியிடப்படவிருப்பதாகக் கூறப்படும் நிலையில், இந்தியாவில் ரூ.50,000-க்கும் மேலான விலையிலேயே வெளியாகும் என எதிர்பார்க்கப்படுகிறது.
மேலும், இந்தியாவில் விற்பனை செய்யப்படும் மாடல்களில் உள்நாட்டுத் தயாரிப்பான NavIC வசதியுடன் X100 5G ஸ்மார்ட்போனை விவோ விற்பனை செய்யவிருப்பதாகவும் தெரிவிக்கப்பட்டுள்ளது.