Twitterஇன் மறுபெயரிடுதல் மாற்றம் நிறைவு: X.com இப்போது அதிகாரப்பூர்வ டொமைன் பெயர்
ட்விட்டர் தனது ரீ-ப்ராண்டிங்கை நிறைவு செய்துவிட்டது. அதிகாரப்பூர்வமாக X.com ஐ அதன் அனைத்து முக்கிய அமைப்புகளும் ஏற்றுக்கொண்டது. எக்ஸ்-இன் அதிகாரப்பூர்வ கணக்கு, மொபைல் பயன்பாடுகள் மற்றும் "எக்ஸ் பிரீமியம்" (முன்னர் ப்ளூ என அழைக்கப்பட்டது) சந்தா போன்ற பல கூறுகள் சில காலத்திற்கு முன்பு புதுப்பிக்கப்பட்ட பிராண்டிங்கிற்கு மாற்றப்பட்டன. இருப்பினும், எலான் மஸ்க், X க்கு மாற்றத்தை முறையாகத் தொடங்கியதிலிருந்து, தளத்தின் URLகள் உள்ளிட்ட சில பயன்பாட்டு அமைப்புகள் twitter.com ஆகவே நீடித்தன. இப்போது, twitter.com எனத் தட்டச்சு செய்யும் பயனர்கள் தங்கள் பிரௌசர்களில் X.com க்கு திருப்பி விடப்படுவார்கள்.
X.com க்கு மாறுவதை உறுதி செய்த மஸ்க்
All core systems are now on https://t.co/bOUOek5Cvy pic.twitter.com/cwWu3h2vzr— Elon Musk (@elonmusk) May 17, 2024
கடந்த ஆண்டு துவங்கிய ரீ-பிராண்டிங்
ட்விட்டரில் இருந்து X க்கு மாறுவது முந்தைய ஆண்டு ஆகஸ்ட் மாதம் தொடங்கியது. சில பயனர்கள் புதிதாக பிராண்டட் செய்யப்பட்ட X இன் iOS பயன்பாட்டிலிருந்து, நேரடியாக x.com இணைப்புகளை நகலெடுக்க முடிந்தது. இருப்பினும், இந்த மாற்றம் அதன் சவால்கள் இல்லாமல் இல்லை. சைபர் செக்யூரிட்டி நிபுணர் பிரையன் கிரெப்ஸ் கடந்த மாதம் ஃபிஷிங் தாக்குதல்கள் சற்றே விகாரமான மாறுதல் செயல்முறையைப் பயன்படுத்திக் கொண்டதாகக் குறிப்பிட்டார். x.com URL உடனான மஸ்க்கின் தொடர்பு 1999 ஆம் ஆண்டு முதல் தொடங்கியது. அவர் இந்தப் பெயரில் வணிகத்தைத் தொடங்கினார். எனினும், பின்னர் அது PayPal ஆக மாறியது.
