'GPT' என்ற சுருக்கத்தின் ட்ரேடுமார்க்கிற்கு விண்ணப்பித்திருக்கும் ஓபன்ஏஐ நிறுவனம்!
வெளியாகி சில மாதங்களிலேயே உலகளவில் வைரலானது AI சாட்பாட்டனா சாட்ஜிபிடி. இதன் வெற்றியைத் தொடர்ந்து பல செயற்கை நுண்ணறிவு சாட்பாட் ஜிபிடி என்ற சுருக்கத்தை தங்களது சேவைப் பெயரின் பின்னால் சேர்த்து வருகின்றன. தற்போது, AI சேவை வழங்கும் சாட்பாட்கள் தற்போது டேட்ஜிபிடி, ஸீஜிபிடி, கீதாஜிபிடி என தங்களது பெயர்களில் 'ஜிபிடி'யை சேர்க்கின்றன. இதனைத் தொடர்ந்து, 'GPT' என்ற சுருக்கத்தை ட்ரேடுமார்க் செய்யும் திட்டத்தில் இருக்கிறது ஓபன்ஏஐ. இதனை ட்ரேடுமார்க் செய்வதற்காக கடந்த டிசம்பர் விண்ணப்பித்தருந்தது அந்நிறுவனம். ஜிபிடி என்ற சுருக்கத்தின் பயன்பாடு தொடர்ந்து அதிகரித்து வருவதையடுத்து ட்ரேடுமார்க் விண்ணப்ப நடவடிக்கைகளை துரிதப்படுத்துவதற்காக அமெரிக்காவின் காப்புரிமை மற்றும் முத்திரை அலுவலகத்தில் மேலும் ஒரு விண்ணப்பத்தை சமர்ப்பித்திருக்கிறது. ஆனால், துரிதப்படுத்துவதற்கான விண்ணப்பம் தற்போது நிராகரிக்கப்பட்டிருக்கிறது.
ட்ரேடுமார்க் கிடைத்தால் என்ன ஆகும்?
Generative Pre-trained Transformer என்பதைச் சுருக்கியே GPT என்று தங்கள் சாட்பாட்டின் பின்னால் சேர்த்திருந்தது ஓபன்ஏஐ நிறுவனம். 2008-ம் ஆண்டிலேயே இதன் முதல் வெர்ஷனை அந்நிறுவனம் வெளியிட்டிருந்தது. ஆனால், சில மாதங்களுக்கு முன்பு வரை அதன் AI மாடல் இவ்வளவு பிரபலமாகவில்லை. இது இவ்வளவு பிரபலமாகும் என ஓபன்ஏஐ நிறுவனமும் எதிர்பார்க்கவில்லை. தற்போது பயனர்களிடம் அதன் AI மாடலுக்குக் கிடைத்த வரவேற்பையடுத்தே துரிதமான நடவடிக்கைகளில் ஈடுபட்டு வருகிறது அந்நிறுவனம். ஒருவேளை ஜிபிடி சுருக்கத்தின் ட்ரேடுமார்க் ஓபன்ஏஐ நிறுவத்திற்கு வழங்கப்படும் பட்சத்தில், இதன் அனுமதி பெற்ற பிறகே பிற நிறுவனங்கள் அந்த சுருக்கத்தைப் பயன்படுத்த முடியும். அனுமதியின்றி பயன்படுத்தினால் அந்நிறுவனத்தின் மீது ஓபன்ஈஏஐ நிறுவனம் வழக்கு தொடர முடியும்.
இந்த காலவரிசையைப் பகிரவும்