இந்தியாவில் வெளியானது புதிய 'லாவா ஸ்டார்ம் 5G' பட்ஜெட் ஸ்மார்ட்போன்
செய்தி முன்னோட்டம்
இந்தியாவில் பட்ஜெட் விலையில் புதிய 5G ஸ்மார்ட்போன் ஒன்றை வெளியிட்டிருக்கிறது லாவா. லாவா ஸ்டார்ம் 5G எனப் பெயரிடப்பட்டிருக்கும் இந்த ஸ்மார்ட்போனில் 120Hz ரெப்ரெஷ் ரேட் கொண்ட 6.78 இன்ச் LCD திரையைப் பயன்படுத்தியிருக்கிறது லாவா.
பின்பக்கம் 50MP முதன்மைக் கேமரா மற்றும் 8MP அல்ட்ரா-வைடு கேமாரவுடன் கூடிய டூயல் கேமரா செட்டப்பும், முன்பக்கம் 16MP செல்ஃபி கேமராவும் கொடுக்கப்பட்டிருக்கின்றன.
பக்கவாட்டு ஃபிங்கர் பிரிண்ட் சென்சார்கள் கொடுக்கப்பட்டிருக்கும் இந்த ஸ்மார்போனானது, ஆண்ட்ராய்டு 13 இயங்குதளத்தைக் கொண்டு வெளியாகியிருக்கிறது.
ஆண்ட்ராய்டு 14 இயங்குதளத்தை இந்த ஸ்மார்ட்போனிற்கு உறுதி செய்திருக்கும் லாவா, இரண்டு வருட பாதுகாப்பு அப்டேட்களும் கொடுக்கப்படும் என அறிவித்திருக்கிறது.
லாவா
லாவா ஸ்டார்ம் 5G: ப்ராசஸர் மற்றும் விலை
இந்தப் புதிய பட்ஜெட் ஸ்டார்ம் 5G ஸ்மார்ட்போனில், மீடியாடெக் டைமன்சிட்டி 6080 ப்ராசஸரைப் பயன்படுத்தியிருக்கிறது லாவா.
மேலும், 33W ஃபாஸ்ட் சார்ஜிங் வசதியுடன் கூடிய 5,000mAh பேட்டரி கொடுக்கப்பட்டிருக்கும் இந்த ஸ்மார்ட்போனானது, 8GB ரேம் மற்றும் 128GB ஸ்டோரேஜைக் கொண்ட ஒரே ஒரு வேரியன்டில் மட்டுமே வெளியாகியிருக்கிறது.
இந்த ஸ்மார்ட்போனை இந்தியாவில் ரூ.13,499 விலையில் வெளியிட்டிருக்கிறது லாவா. எனினும், தொடக்க விற்பனை சலுகையாக ரூ.11,999 விலையில் இந்த ஸ்மார்ட்போனை விற்பனை செய்யவிருக்கிறது. டிசம்பர் 28ம் தேதி முதல் இந்தப் புதிய பட்ஜெட் ஸ்மார்ட்போனின் விற்பனை தொடங்குகிறது.