கூகுளில் 12 ஆயிரம் பேர் பணி நீக்கம்! ஊழியர்களுக்கு சுந்தர் பிச்சை உருக்கம்;
செய்தி முன்னோட்டம்
கூகுள் நிறுவனத்தின் தாய் நிறுவனமான ஆல்பபெட் 12,000 ஊழியர்கள், அதாவது 6 சதவீதம் பேரை பணிநீக்கம் செய்துள்ளதாக அறிவித்துள்ளது.
உலகப் பொருளாதாரம் மற்றும் பணவீக்கத்தின் வீழ்ச்சிக்கு பிரபலமான பல நிறுவனங்கள் ஆட்குறைப்புகளை செய்து வரும் நிலையில், தற்போது கூகுளும் 12 ஆயிரம் பேரை ஆட்குறைப்பு செய்ய உள்ளது.
இதுகுறித்து கூகுள் தலைமை நிர்வாக அதிகாரியான சுந்தர் பிச்சை வெளியிட்ட அறிக்கையில், இந்த கடினமான செய்தியை உங்களுடன் நான் பகிர்ந்து கொள்வதில் வருத்தம் அடைகிறேன் என்று கூறியுள்ளார்.
"நிறுவனத்தில், தோராயமாக 12 ஆயிரம் பணியாளர்களை குறைக்க நாங்கள் முடிவு செய்துள்ளோம். இதனால், கடினமாக உழைத்து, பணியமர்த்த விரும்பி, நம்பமுடியாத திறமை வாய்ந்த சிலரிடம் இருந்து விடை பெறுகிறோம். மிகவும் வருந்துகிறேன்" எனக் கூறியுள்ளார்.
கூகுள் ஆல்பபெட்
12 ஆயிரம் பேரை பணி நீக்கம் செய்யும் கூகுள் நிறுவன ஊழியர்களுக்கு சுந்தர் பிச்சை உருக்கம்
இவை பணியாளர்களின் வாழ்க்கையில் இது மிகப் பெரிய தாக்கத்தை ஏற்படுத்தும். இதற்கான, முழுப் பொறுப்பையும் அவரே ஏற்பதாகக் கூறினார்.
"கடந்த 2 ஆண்டுகளில் வியத்தகு முன்னேற்றத்தை கண்டோம். ஆனால் இந்த வளர்ச்சிக்கு ஈடுகொடுக்கும் வகையில் பணியமர்த்தம் மேற்கொள்ளப்பட்டன.
இன்று நாம் வேறுபட்ட பொருளாதார யதார்த்தத்தை எதிர் கொண்டு வருகிறோம். இருந்தாலும், நம்முடைய வலுவான கட்டமைப்பு, தயாரிப்புகள் மற்றும் சேவைகளின் மதிப்பு, செயற்கை நுண்ணறிவு துறையில் மேற்கொள்ளப்பட்ட ஆரம்ப கட்ட முதலீடுகள் ஆகியவற்றின் காரணமாக நமக்கு முன்னால் இருக்கும் மிகப்பெரிய வாய்ப்பைப் பற்றி நான் நம்பிக்கையுடன் இருக்கிறேன்" என சுந்தர் பிச்சை தெரிவித்தார்.
மேலும், ஏறக்குறைய 25 ஆண்டைக் கடந்த கூகுள் நிறுவனம், தற்போது கடினமான பொருளாதார சுழற்சிகளை கடக்க வேண்டியுள்ளது என்று கூறியுள்ளார்.