மீண்டும் தங்கம் விலை அதிகரிப்பு - ஒரே நாளில் ரூ.560 உயர்வு!
செய்தி முன்னோட்டம்
இந்தியாவில் தங்கம் விலை வரலாறு காணாத அளவுக்கு அதிகரித்து கொண்டே செல்கிறது.
இதனால், 25 ஆண்டுகளுக்கு முன்பு ஒரு பவுன் ரூ. 5 ஆயிரத்திற்கு விற்பனை ஆனது. ஆனால் இன்று ஒரு கிராம் தங்கம் ரூ.5000-க்கும் அதிகமாக விற்பனை ஆகிறது.
நாளுக்கு நாள் விலை உயர்ந்து கொண்டே போவதால் நகை வாங்குவதே பெரிய விஷயமாக பார்க்கப்படுகிறது.
இந்நிலையில், இன்றைய நாள் மார்ச் 23 ஆம் தேதிபடி, இன்று 22 காரட் ஆபரணத் தங்கம் கிராம் ஒன்றுக்கு ரூ.70 உயர்ந்து 5,540 ரூபாய் ஆகவும், சவரன் ஒன்றுக்கு ரூ.560 வரை உயர்ந்து ரூ.44,320 ஆகவும் விற்பனையாகிறது.
தங்கம் விலை
தங்கம் மற்றும் வெள்ளியின் இன்றைய விலை விபரம் இங்கே
வெள்ளியின் விலை
தொடர்ந்து வெள்ளி விலையும் கிராமுக்கு ரூ.1.40 உயர்ந்து ஒரு கிராம் ரூ. 75.40 ஆக விற்பனையாகிறது.
அதேபோன்று ஒரு கிலோ வெள்ளி ரூ.75,400-க்கு விற்பனை செய்யப்படுகிறது.
தங்கத்தின் மீது செய்யப்படும் முதலீடுகளுக்கு தக்க லாபம் கிடைத்து வருகிறது.
இதைத்தவிர, பொதுவாக குடும்பங்களில் தங்க ஆபரணங்கள் தலைமுறை தலைமுறையாக கைமாறி கொண்டே இருக்கும்.
அதனால் தான், குடும்பத்தில் தங்கத்திற்கு முக்கியத்துவம் வாய்ந்த இடம் அளிக்கப்பட்டு வருகிறது.