ஒரே நாளில் 800 ரூபாய் சரிந்த தங்கம் விலை - மகிழ்ச்சியில் இல்லத்தரசிகள்!
செய்தி முன்னோட்டம்
இந்தியாவில் தங்கம் விலை வரலாறு காணாத அளவுக்கு அதிகரித்து கொண்டே செல்கிறது.
இதனால், 25 ஆண்டுகளுக்கு முன்பு ஒரு பவுன் ரூ. 5 ஆயிரத்திற்கு விற்பனை ஆனது. ஆனால் இன்று ஒரு கிராம் தங்கம் ரூ.5,570-க்கும் அதிகமாக விற்பனை ஆகிறது.
நாளுக்கு நாள் விலை உயர்ந்து கொண்டே போவதால் நகை வாங்குவதே பெரிய விஷயமாக பார்க்கப்படுகிறது.
இந்நிலையில், இன்றைய நாள் மார்ச் 22 ஆம் தேதிபடி, இன்று சென்னையில் 22 காரட் ஆபரணத் தங்கம் கிராம் ஒன்றுக்கு ரூ.100 குறைந்து 5,470 ரூபாய் ஆக உள்ளது.
அதுவே சவரன் ஒன்றுக்கு ரூ.800 வரை குறைந்து ரூ.43,760 ஆகவும் விற்பனையாகிறது.
தங்கம் விலை
தங்கம் மற்றும் வெள்ளியின் இன்றைய விலை விபரம் இங்கே
நேற்றைய விலையை பொறுத்தவரை தங்கம் விலை சவரனுக்கு ரூ.80 குறைந்த நிலையில், இன்று மீண்டும் சரிந்துள்ளது.
இதேப்போன்று, இன்று வெள்ளி கிராமுக்கு 70 காசுகள் குறைந்து 74-க்கு விற்பனையாகிறது. ஒரு கிலோ வெள்ளி 74000க்கு விற்பனை செய்யப்படுகிறது.
தங்கத்தின் மீது செய்யப்படும் முதலீடுகளுக்கு தக்க லாபம் கிடைத்து வருகிறது.
இதைத்தவிர, பொதுவாக குடும்பங்களில் தங்க ஆபரணங்கள் தலைமுறை தலைமுறையாக கைமாறி கொண்டே இருக்கும்.
அதனால் தான், குடும்பத்தில் தங்கத்திற்கு முக்கியத்துவம் வாய்ந்த இடம் அளிக்கப்பட்டு வருகிறது.