ஹபுளுக்குப் போட்டியாக புதிய விண்வெளி தொலைநோக்கியை உருவாக்கியிருக்கும் சீனா
செய்தி முன்னோட்டம்
1990-ல் அமெரிக்காவின் விண்வெளி ஆராய்ச்சி நிறுவனமான நாசாவால் விண்ணில் ஏவப்பட்டு இது வரை மனித குலத்திற்கு விண்வெளி குறித்த பல்வேறு ஆச்சர்யங்களையும் அறிமுகப்படுத்திய பெருமை ஹபுள் தொலைநோக்கியையே சேரும்.
இந்நிலையில், ஹபுள் தொலைநோக்கியை விட தொழில்நுட்ப ரீதியில் மேம்பட்ட தொலைநோக்கி ஒன்றை வடிவமைத்து அதனை ஆண்டு விண்ணில் செலுத்தவிருப்பதாகத் தெரிவித்திருக்கிறது சீனா.
'ஷூன்டியன் விண்வெளி தொலைநோக்கி' அல்லது 'சீன விண்வெளி ஆய்வுத் தொலைநோக்கி' (CSST) என அழைக்கப்படும் தொலைநோக்கியை அடுத்த ஆண்டு தங்களுடைய லாங் மார்ச் 5B ராக்கெட்டின் மூலம் விண்ணில் செலுத்தவிருக்கிறது சீனா.
2.5 பில்லியன் மெகாபிக்சல்களைக் கொண்ட கேமரா மற்றும் ஹபுளை விட 300 மடங்கு அதிக ஃபீல்டு ஆஃப் வியூவைக் இந்தப் புதிய தொலைநோக்கி கொண்டிருப்பதாகத் தெரிவித்திருக்கிறது சீனா.
சீனா
சீனாவின் புதிய தொலைநோக்கி:
இந்தத் தொலைநோக்கியை சீனாவின் டியாங்காங் விண்வெளி நிலையத்தின் சுற்று வட்டப்பாதையிலேயே நிலை நிறுத்தத் திட்டமிட்டிருக்கிறது சீனா.
இந்தத் தொலைநோக்கியை பராமரிக்கவோ அல்லது மேம்படுத்த வேண்டிய தேவை எழும் போது, அதனை சீன விண்வெளி நிலையத்துடன் இணைத்து வேண்டிய மேம்பாடுகளைச் செய்து கொள்ள முடியும்.
இதனால் இந்தத் தொலைநோக்கியின் ஆயுட் காலமும் நீளும். இது தான் பிற தொலைநோக்கிகளிடமிருந்து தங்களது தொலைநோக்கியைத் தனித்துக் காட்டுக்கிறது எனத் தெரிவித்திருக்கிறது சீனா.
சாதாரண பணி நேரத்தின் போது, சீன விண்வெளி நிலையத்திலிருந்து தொலைதூரத்திலேயே நிலை நிறுத்தப்படவிருக்கிறது புதிய தொலைநோக்கி. தொலை தூரத்தில் நிலை நிறுத்தப்பட்டாலும், சீன விண்வெளி நிலையத்தின் சுற்று வட்டப்பாதையிலேயே வலம் வரவிருக்கிறது CSST.