ஹோலி கொண்டாட்டத்தின் போது, குழந்தைகளுக்கான பாதுகாப்பு குறிப்புகள்
செய்தி முன்னோட்டம்
ஹோலி பண்டிகை இன்னும் 2 நாட்களில், நாடு முழுவதும் விமரிசையாக கொண்டாடப்படும்.
வரும் மார்ச் 8-ஆம் தேதி, கலர் வண்ணங்களை தூவி, இனிப்புகளை பரிமாறி, ஆனந்தமாக கொண்டாடப்படும் இந்த திருவிழாவின் போது, குழந்தைகளின் பாதுகாப்பும் முக்கியம்.
சில ஆண்டுகளுக்கு முன்னர், சென்னையில், இது போன்ற ஹோலி திருவிழாவில், தண்ணீரில் மூழ்கி ஒரு குழந்தை இறந்து போனதை மறந்திருக்க முடியாது.
அதனால், குழந்தைகளை பாதுகாக்க, சில பாதுகாப்பு குறிப்புக்கள் இதோ;
இயற்கை வண்ணங்களை பயன்படுத்தவும்: செயற்கை வண்ணங்களில் ஈயம், பாதரசம் மற்றும் அலுமினியம் புரோமைடு போன்ற தீங்கு விளைவிக்கும் இரசாயனங்கள் உள்ளன. அவை உங்கள் குழந்தையின் தோலை சேதப்படுத்தலாம். மருதாணி, மஞ்சள், சந்தனம், பலாஷ் பூக்கள் போன்றவற்றைப் பயன்படுத்தி ஆர்கானிக் வண்ணங்களை வீட்டிலேயே செய்யலாம்.
ஹோலி
விளையாட செல்லும் முன், எண்ணெய் அல்லது மாய்ஸ்சரைசிங் க்ரீமை தடவவும்
தண்ணீர் பலூன்களைத் தவிர்த்து, பிச்காரிகளை பயன்படுத்துங்கள்: தண்ணீர் பலூன்கள் கொண்டு விளையாடுவது வேடிக்கையாக இருக்கலாம், ஆனால் அவை பாதுகாப்பானவை அல்ல. சில நேரங்களில் அவை உங்களை காயப்படுத்த நேரிடும். மேலும், ஒருவரின் முகம், கண்கள் மற்றும் காதுகளில் தண்ணீர் தெளிப்பதைத் தவிர்க்கவும்.
பொருத்தமான ஆடைகளை அணிவிக்கவும்: குழந்தைகளுக்கு, அவர்கள் தோலை முடிந்தவரை மறைக்கும் ஆடைகளை அணிவிக்கவும். விளையாடி முடித்ததும், ஈர ஆடைகளை உடனே மாற்றிவிடவும்.
குழந்தைகள் சருமத்தை பாதுகாக்கவும்: குழந்தைகள், ஹோலிக்கு விளையாட செல்லும் முன்னர், அவர்கள் சருமத்தை பாதுகாக்க, தேங்காய், ஆலிவ் அல்லது கடுகு எண்ணெயை அவரது உடல் முழுவதும் தடவவும். அது ஒரு பாதுகாப்பு அடுக்காக செயல்பட்டு, ஹோலி வண்ணங்கள், உடலில் ஒட்டாமல் தடுக்கிறது.