ஆசியாவிலேயே இந்தியாவுக்கு 2வது இடம்: 2019இல் மட்டும் 9.3 லட்சம் புற்றுநோய் இறப்புகள் பதிவு
செய்தி முன்னோட்டம்
கடந்த 2019ம் ஆண்டில் இந்தியாவில் சுமார் 12 லட்சம் புதிய புற்றுநோய் பாதிப்புகள் மற்றும் 9.3 லட்சம் இறப்புகள் பதிவாகி இருந்ததாக லான்செட் ஆய்வறிக்கை தெரிவித்துள்ளது.
இது அந்த ஆண்டில் ஆசியாவிலேயே இரண்டாவது அதிகபட்ச பாதிப்பு, இந்தியாவில் பதிவாகியுள்ளதாக அந்த அறிக்கை கூறுகிறது.
லான்செட் பிராந்திய சுகாதார தென்கிழக்கு ஆசிய இதழில் வெளிவந்திருக்கும் இந்த ஆய்வறிக்கை, 1990 முதல் 2019 வரையில் 49 ஆசிய நாடுகளில் உள்ள புற்றுநோய் தரவுகளை ஒப்பிடுகிறது.
2019 ஆம் ஆண்டில் ஆசியாவில் மட்டும் 94 லட்சம் புதிய புற்றுநோய் பாதிப்புகளும், 56 லட்சம் உயிரிழப்புகளும் பதிவாகியுள்ளன.
2nd card
சீனாவில் ஒரே ஆண்டில் புற்று நோய்க்கு 27 லட்சம் பேர் மரணம்
ஆசியாவிலேயே அதிகபட்சமாக சீனாவில் அந்த குறிப்பிட்ட ஆண்டில் 48 லட்சம் புதிய பாதிப்புகளும், 27 லட்சம் இறப்புகளும் பதிவாகியுள்ள நிலையில், ஜப்பானில் 9 லட்சம் புதிய பாதிப்புகளும், 4.4 லட்சம் இறப்புகளும் பதிவாகியுள்ளன.
அதிக பாதிப்பை ஏற்படுத்திய புற்றுநோயாக மூச்சுக்குழாய் மற்றும் நுரையீரல் (TBL) புற்றுநோய் கண்டறியப்பட்டுள்ளது. இதனால் 13 லட்சம் பேர் பாதிப்படைந்த நிலையில், 12 லட்சம் பேர் உயிரிழந்துள்ளனர்.
கர்ப்பப்பை புற்றுநோயானது பெண்களை அதிகம் பாதித்துள்ளது. இது, இந்த வகை புற்றுநோயைத் தடுப்பதில் மனித பாப்பிலோமா வைரஸ் (HPV) தடுப்பூசியின் முக்கியத்துவத்தை எடுத்துக்காட்டுகிறது.
3rd card
புற்றுநோய் பாதிப்புக்கு காரணமான காற்று மாசு, புகைப்பிடித்தல் மற்றும் மது
நாட்டில் அதிகப்படியான புற்றுநோய் பாதிப்புகளுக்கு, புகைப்பழக்கம், மது குடிப்பது மற்றும் அதிகப்படியான காற்று மாசு காரணமாக கூறப்படுகிறது.
இந்தியா போன்ற தெற்காசிய நாடுகளில் கைனி, குட்கா, வெற்றிலை க்விட் மற்றும் பான் மசாலா போன்ற புகையில்லா புகையிலை (SMT) வாய்வழி புற்றுநோய்க்கு குறிப்பிடத்தக்க பங்காற்றியுள்ளதாக ஆய்வு கண்டறிந்துள்ளது.
2019 ஆம் ஆண்டில் உலகளாவிய இறப்புகளில் 32.9% மற்றும் உதடு மற்றும் வாய்வழி புற்றுநோய் புதிய பாதிப்புகளில் 28.1% இந்தியாவில் மட்டுமே பதிவாகியுள்ளது.