ஷேவிங் செய்யும்போது ஏற்படும் வெட்டு காயங்களுக்கு உதவும் வீட்டு வைத்தியங்கள்
செய்தி முன்னோட்டம்
தேவையற்ற முடிகளை அகற்றுவதற்கான வேகமான மற்றும் எளிதான வழிகளில் ஒன்று, ஷேவிங் செய்வது. ஆனால், அப்போது பயன்படுத்தப்படும் ஷேவிங் ரேஸரினால், அவ்வப்போது வெட்டுக்காயங்கள் ஏற்படுவதுண்டு. அது தீக்காயங்கள் போல எரிச்சலையும், வீக்கத்தையும் உண்டாக்கிவிடும்.
தோலின் மேற்பரப்பில், வீக்கமடைந்த, சிவப்பு திட்டுகள் ஏற்படும். உங்கள் தாடை, கைகள், கால்கள் மற்றும் அக்குள்களை ஷேவ் செய்யும் போது, இது போன்ற வெட்டுகள் ஏற்படலாம்.
இது போன்ற எரிச்சல்களில் இருந்து, சருமத்தை காத்திடவும், வெட்டுக்காயங்கள் மூலம் ஏற்படும் வடுவைத் தடுக்கவும், பல வீட்டு வைத்தியங்கள் உள்ளன.
கற்றாழை: பாக்டீரியா எதிர்ப்பு, கிருமி நாசினிகள் மற்றும் பூஞ்சை எதிர்ப்பு பண்புகள் நிரம்பிய கற்றாழை, காயங்கள், வெட்டுக்கள் மற்றும் எரிச்சல்களை ஆற்றவும், குணப்படுத்தவும் உதவுகிறது.
card 2
வெப்பம் மற்றும் வலியை நீக்கும் பேக்கிங் சோடா
பேக்கிங் சோடா பேஸ்ட்: இது, வெட்டப்பட்ட இடத்தில் தடவ, குளிர்ச்சியை தருகிறது. அதோடு, கைகள், கால்கள் மற்றும் அக்குள்களில் ஏற்பட்ட வெட்டுக்களை ஆற்றும். ஆண்கள் மற்றும் பெண்கள் இருவரும் பயன்படுத்தலாம்.
தேங்காய் எண்ணெய்: பலவிதமான சரும பிரச்சனைகளுக்கு தேங்காய் எண்ணெய் சிறந்த தீர்வு. எந்த வகையான சொறி, எரிச்சல் மற்றும் தழும்புகளுக்கும் சிறந்த தீர்வாகும். தேங்காய் எண்ணெயில் உள்ள அழற்சி எதிர்ப்பு மற்றும் ஆண்டிசெப்டிக் பண்புகள், வெட்டு காயங்களுடன் தொடர்புடைய வலி மற்றும் அசௌகரியத்தை குறைக்கிறது. அதோடு, அந்த காயங்களை விரைவாக குணப்படுத்துகிறது.
குளிர்விக்கப்பட்ட டீ பேக்ஸ்: தேயிலை இலைகளில், அத்தியாவசிய ஊட்டச்சத்துக்கள், ஆக்ஸிஜனேற்றிகள், பூஞ்சை மற்றும் பாக்டீரியா எதிர்ப்பு பண்புகள் உள்ளன. அவை, அனைத்து வகையான தோல் எரிச்சல்களுக்கும் உதவுகின்றன.