உத்தரகாண்டில் கனமழை, நிலச்சரிவு, வெள்ள அபாய எச்சரிக்கை
செய்தி முன்னோட்டம்
உத்தரகாண்ட் மாநிலத்தில் நேற்று(ஜூலை 17) கனமழை பெய்ததால், பல இடங்களில் நிலச்சரிவு ஏற்பட்டதையடுத்து,பல்வேறு சாலைகள் தடைப்பட்டன.
கங்கை தேவ்பிரயாக் ஆற்றின் நீர்மட்டம் அபாய கட்டத்தை தாண்டி உயர்ந்தது.
மேலும், அலக்நந்தா ஆற்றின் அணையில் இருந்து அதிக அளவு தண்ணீர் திறந்துவிடப்பட்டதால் ஹரித்வாரில் நீர்மட்டம் எச்சரிக்கை அளவை தாண்டியுள்ளது.
அதே போல், கங்கையின் நீர்மட்டம் 463.20 மீட்டராக உயர்ந்துள்ளது.
இதனையடுத்து, சங்கம் காட், ராம்குண்ட், தனேஷ்வர் காட் மற்றும் ஃபுலாடி காட் ஆகிய இடங்களுக்குள் தண்ணீர் புகுந்தது.
அலக்நந்தா ஆற்றில் கட்டப்பட்டுள்ள ஜி.வி.கே நீர்மின்சார திட்டத்தின் அணையில் இருந்து 2,000-3,000 கனஅடி நீர் திறக்கப்பட்டதை அடுத்து, கங்கை நதியின் நீர்மட்டம் மேலும் உயர்ந்தது.
சஜிகிவ்
13 மாவட்டங்களுக்கு 'ஆரஞ்சு' எச்சரிக்கை விடுக்கப்பட்டுள்ளது
ஆற்றங்கரையில் இருக்கும் மக்கள் வெளியேறுமாறு மாவட்ட நிர்வாகம் அடிக்கடி அழைப்பு விடுத்து வருவதாக தெஹ்ரி மாவட்ட பேரிடர் மேலாண்மை அதிகாரி பிரிஜேஷ் பட் கூறியுள்ளார்.
ரிஷிகேஷ் அருகே இருக்கும் தெஹ்ரியின் முனி கி ரெட்டி பகுதியில் உள்ள கங்கையின் நீர்மட்டம் 339.60 மீட்டராக அதிகரித்துள்ளது. இது எச்சரிக்கை அளவான 339.50-மீட்டரை விட 0.10-மீட்டர் அதிகமாகும்.
ஹரித்வாரில் நேற்று மாலை, கங்கையின் நீர்மட்டம் எச்சரிக்கை அளவான 293-மீட்டரைக் கடந்து 293.15-மீட்டரை எட்டியதாக அதிகாரிகள் தெரிவித்துள்ளனர். இந்த ஆற்றின் நீர்மட்டம் அதிகரித்துள்ளதால் தாழ்வான பகுதிகளுக்கு எச்சரிக்கை விடுக்கப்பட்டுள்ளது.
தேசிய பேரிடர் மீட்புப் படை(NDRF), மாநில பேரிடர் மீட்புப் படை(SDRF), ராணுவம் மற்றும் மாநில காவல்துறையின் உதவியுடன் மீட்பு மற்றும் நிவாரணப் பணிகள் நடைபெற்று வருகின்றன.