பரந்தூர் கிராம மக்களை காண புறப்பட்டார் த.வெ.க., தலைவர் விஜய்; காவல்துறையினர் நிபந்தனைகள் என்னென்ன?
செய்தி முன்னோட்டம்
பரந்தூரில் புதிய விமான நிலையம் அமைப்பதற்கு எதிர்ப்பு தெரிவித்து போராட்டம் நடத்தி வரும் பொதுமக்களை நேரில் சந்தித்து பேச, தமிழக வெற்றி கழகத்தின் தலைவர் விஜய் இன்று புறப்பட்டார்.
இது குறித்து நேற்று வரை இழுபறியில் இருந்த காவல்துறையினரின் அனுமதி சில நிபந்தனைகளுடன் தற்போது கிடைக்கப்பெறவே, அவர் இன்று காலை புறப்பட்டார்.
பரந்துார் செல்ல உள்ள விஜய், ஏகனாபுரம் கிராமம் அருகே, அம்பேத்கர் திடல் பகுதியில் மக்களை சந்தித்து பேசிகிறார்.
சில மாதங்களுக்கு முன்னர் விழுப்புரத்தில் நடந்த கட்சியின் முதல் மாநாட்டுக்கு பின், விஜய், முதல் முறையாக மக்களை சந்திக்க, இன்று களத்திற்கு செல்கிறார் என்பதால், பலத்த பாதுகாப்பு ஏற்பாடுகள் செய்யப்பட்டுள்ளன.
ட்விட்டர் அஞ்சல்
Twitter Post
#JUSTIN
— News18 Tamil Nadu (@News18TamilNadu) January 20, 2025
பரந்தூர் விமான நிலைய எதிர்ப்புக் குழுவினரை சந்திக்க ஏகனாபுரம் புறப்பட்டார் தவெக தலைவர் விஜய்#Vijay #TVK #Parandhur #News18Tamilnadu | https://t.co/3v5L32pLWJ pic.twitter.com/HKUhSv6Ipf
கட்டுப்பாடுகள்
விஜய் பொதுமக்களை சந்திக்க காவல்துறையினர் விதித்த கட்டுப்பாடுகள்
ரந்தூர் பசுமை விமான நிலையம் அமையவுள்ள கிராமங்களின் குடியிருப்பு பகுதிகளில் வசிக்கும் மக்கள் மட்டுமே நிகழ்ச்சியில் பங்கேற்க வேண்டும்.
மேலும், சந்திப்பு நடைபெறும் வீனஸ் வெட்டிங் ரிசார்ட்டில் உள்ள அரங்கின் கொள்ளத்தக்க அளவுக்கு மிகாமல் மட்டுமே மக்கள் பங்கேற்க வேண்டும்.
கிராம மக்களை சந்திக்கும் நேரம் தாங்கள் கேட்டுக்கொண்டபடி காலை 11.30 மணி முதல் 12.30 மணிக்குள்ளாக இருத்தல் வேண்டும்.
கிராம மக்களை சந்திக்கும்போது தங்களது கட்சியினரால் அல்லது ரசிகர்களால் பொதுமக்களுக்கோ அல்லது பொதுச்சொத்திற்கோ எந்தவித பாதிப்பும் ஏற்படாத வண்ணம் நடந்து கொள்ள வேண்டும்.