மாணவர்களுக்கு நற்செய்தி அறிவித்தார் தமிழக பள்ளிக்கல்வித்துறை அமைச்சர்; தமிழ்நாட்டில் 8ஆம் வகுப்பு வரை All Pass
செய்தி முன்னோட்டம்
5 மற்றும் 8ஆம் வகுப்பு மாணவர்களுக்கான 'ஆல் பாஸ் கொள்கை' இனி இல்லை என நேற்று அறிவிக்கப்பட்ட மத்திய அரசின் முடிவு அரசுப் பள்ளிகளுக்கு பொருந்தாது என்று தமிழக அரசு தெளிவுபடுத்தியுள்ளது. பள்ளி கல்வித்துறை அமைச்சர் அன்பில் மகேஷ் பொய்யாமொழி, தாழ்த்தப்பட்ட பிரிவைச் சேர்ந்த மாணவர்களுக்கு மத்திய அரசின் முடிவு "முட்டுக்கட்டை" என்று கூறினார். மேலும் இந்த வகுப்புகளில் தற்போது கடைபிடிக்கப்படும் ஆட்டோமேட்டிக் ப்ரோமோஷன் மாதிரியை மாநிலம் தொடர்ந்து பின்பற்றும் என்றும் கூறினார்.
மத்திய அரசு பள்ளி
"மத்திய அரசின் அறிவிப்பு மத்திய அரசுக்கு சொந்தமான பள்ளிகளுக்கு மட்டுமே பொருந்தும்"
"தமிழகத்தைப் பொறுத்த வரையில், நாங்கள் தேசியக் கல்விக் கொள்கையை அமல்படுத்தவில்லை, மேலும் பிரத்யேக மாநிலக் கல்விக் கொள்கையை உருவாக்கும் பணியில் ஈடுபட்டுள்ளோம். மாநிலம் அதன் சொந்தக் கொள்கையைப் பின்பற்றுவதால், மத்திய அரசின் இந்த நடவடிக்கை மாநிலத்தில் உள்ள மத்திய அரசுக்குச் சொந்தமான பள்ளிகளுக்கு மட்டுமே பொருந்தும்" என்று அமைச்சர் அன்பில் மகேஷ் கூறியதாக டெக்கான் ஹெரால்ட் செய்தி வெளியிட்டுள்ளது. "இது வேறு எந்த பள்ளிகளுக்கும் பொருந்தாது. எனவே, மத்திய அரசின் கொள்கை குறித்து பெற்றோர்கள், மாணவர்கள், ஆசிரியர்கள் மற்றும் கல்வியாளர்கள் கவலைப்படவோ, குழப்பமடையவோ வேண்டாம். தற்போது நடைமுறையில் இருக்கும்கொள்கையே தொடரும் என்று மாநில அரசு தெளிவுபடுத்துகிறது," என்று அவர் மேலும் கூறினார்.
ட்விட்டர் அஞ்சல்
Twitter Post
#JUSTIN
— News18 Tamil Nadu (@News18TamilNadu) December 23, 2024
தமிழ்நாட்டில் 8ஆம் வகுப்பு வரை All Pass - அமைச்சர் அன்பில் மகேஸ் #AnbilMahesh #AllPass #News18Tamilnadu | https://t.co/3v5L32pLWJ pic.twitter.com/nsnfXOeGGb
அறிவிப்பு
மத்திய அரசின் அறிவிப்பு என்ன சொல்கிறது?
8 ஆம் வகுப்பு வரையிலான பள்ளி மாணவர்களுக்கான ஆல் பாஸ் எனும் தோல்வியில்லாக் கொள்கையை மத்திய அரசு ரத்து செய்துள்ளது. திருத்தப்பட்ட கொள்கையின்படி, 5 மற்றும் 8ஆம் வகுப்பு மாணவர்களுக்கு இனி தேர்வுகள் நடத்தப்படும். கல்வி உரிமைச் சட்டத்தின் (ஆர்டிஇ) திருத்தத்தின்படி, இந்தத் தேர்வுகளில் தோல்வியடையும் மாணவர்கள் இரண்டு மாதங்களுக்குப் பிறகு மறுதேர்வு எழுத இரண்டாவது வாய்ப்பு வழங்கப்படும். மறு தேர்விலும் அவர்கள் தேர்ச்சி பெறத் தவறினால், அவர்கள் தானாக அடுத்த வகுப்பிற்கு செல்வதற்கு பதிலாக, அதே வகுப்பை மீண்டும் படிக்க வேண்டும்.