பிரதமர் குறித்து தமிழக அமைச்சர் கீழ்த்தரமாக பேசியதாக பாஜக குற்றச்சாட்டு
பிரதமர் நரேந்திர மோடியை "தரைகுறைவாக பேசிய" தமிழக அமைச்சர் அனிதா ராதாகிருஷ்ணனுக்கு எதிராக பாஜக கடும் கண்டனம் தெரிவித்துள்ளது. அமைச்சர் அனிதா ராதாகிருஷ்ணனின் கருத்தை "ஒரு குமட்டல் செயல்" என்றும் பாஜக வர்ணித்துள்ளது. பொதுத் தேர்தல் பிரசார நிகழ்வில் கலந்து கொண்டு பேசிய தமிழக மீன்வளம் மற்றும் கால்நடை பராமரிப்புத் துறை அமைச்சர் ராதாகிருஷ்ணன், "சர்தார் வல்லபாய் படேல், காமராஜர் போன்ற மாவீரர்களை கவுரவிக்கும் திட்டங்களை பிரதமர் தொடங்கி வைப்பது சொற்ப வாக்குகளை பெறுவதற்காக மட்டுமே" என்று தெரிவித்திருந்தார். "படேல் சமூகத்தின் வாக்குகளைப் பெறுவதற்காகவே சர்தார் வல்லபாய் படேலின் சிலையை நீங்கள் நிறுவினீர்கள். இதுபோன்ற கேவலமான தந்திரங்களை பிரதமர் மோடி பயன்படுத்துகிறார்" என்று அவர் மேலும் கூறினார்.
கடும் கண்டனம் தெரிவித்துள்ள தமிழக பாஜக
கடந்த வாரம் சேலத்தில் பிரதமர் மோடி ஆற்றிய உரை குறித்து பேசிய திமுக தலைவர் அனிதா ராதாகிருஷ்ணன் , "சுதந்திரப் போராட்ட வீரர் காமராஜரை அவர் தான் முன்னுக்குக் கொண்டு வந்தது போல மோடி பேசுகிறார்" என்றும் தெரிவித்தார். அவரது கருத்துக்கு கடும் கண்டனம் தெரிவித்துள்ள தமிழக பாஜக, "ஏழ்மையான பின்னணியில் இருந்து வந்து இந்திய மக்களுக்காக தனது முழு வாழ்க்கையையும் அர்ப்பணித்தவர் மோடி" என்று தெரிவித்துள்ளது. மேலும், அனிதா ராதாகிருஷ்ணன் பேசிய இந்த குமட்டல் பேச்சுக்களுக்கு எம்பி கனிமொழி சாட்சியாக இருததாகவும் பாஜக கூறியுள்ளது.
