அமலாக்கத்துறை தலைவரின் பதவி நீட்டிப்பு சட்டவிரோதம்: உச்ச நீதிமன்றம் தீர்ப்பு
செய்தி முன்னோட்டம்
அமலாக்கத்துறையின் தலைவராக மூன்றாவது முறையாக சஞ்சய் குமார் மிஸ்ரா பதவி நீட்டிப்பு செய்தது சட்டவிரோதம் என்று உச்ச நீதிமன்றம் செவ்வாய்க்கிழமை (ஜூலை 11) கூறியது.
எனினும் சஞ்சய் குமார் மிஸ்ராவின் பதவிக்காலத்தை ஜூலை 31 வரை தொடர அனுமதித்துள்ள உச்சநீதிமன்றம், இந்த காலத்திற்குள் புதிய தலைவரை நியமிக்க மத்திய அரசுக்கு உத்தரவிட்டுள்ளது.
சஞ்சய் குமார் மிஸ்ராவின் பதவி நீட்டிப்பு 2021 ஆம் ஆண்டு உச்ச நீதிமன்ற தீர்ப்பின் ஆணையை மீறுவதாக உச்ச நீதிமன்றம் தெரிவித்துள்ளது.
ஆனால், உலகளாவிய பயங்கரவாத நிதியளிப்பு கண்காணிப்பு அமைப்பான எப்ஏடிஎப் குறித்து மத்திய அரசு கவலை தெரிவித்ததை அடுத்து, அவர் ஜூலை 31 வரை தொடருவார் என்று நீதிமன்றம் கூறியது.
supreme court on ed director extension
2018 முதல் தலைவர் பதவியில் இருக்கும் சஞ்சய் குமார் மிஸ்ரா
சஞ்சய் குமார் மிஸ்ரா, 2018 நவம்பரில் அமலாக்கத் துறையின் தலைவராக நியமிக்கப்பட்டார். பின்னர் நவம்பர் 2020 இல், அரசாங்கம் அவருக்கு பதவி நீட்டிப்பு வழங்கியது.
அதன் பிறகு அவரது பதவிக்காலம், இரண்டு முறை நீட்டிக்கப்பட்டது. கடைசியாக, அவர் நவம்பர் மாதம் ஓய்வு பெறுவார் என கடந்த மே மாதம், மத்திய அரசு உச்ச நீதிமன்றத்தில் தெரிவித்திருந்தது.
மத்திய விஜிலென்ஸ் கமிஷன் சட்டம் மற்றும் டெல்லி சிறப்பு போலீஸ் ஸ்தாபனச் சட்டம் ஆகியவற்றில் செய்யப்பட்ட திருத்தங்களின் அடிப்படையில், விசாரணை முகமை, தலைவர்களின் பதவிக்காலத்தை ஐந்து ஆண்டுகள் வரை நீட்டிக்க மத்திய அரசை அனுமதிக்கிறது.
எனினும், உச்ச நீதிமன்றம், பதவி நீட்டிப்பை ஏற்க மறுத்துள்ளதால், மத்திய அரசு புதிய தலைவரை நியமிக்குமா என்ற கேள்வி எழுந்துள்ளது.