15% மழைப் பற்றாக்குறையுடன் இந்தியாவில் தென்மேற்கு பருவமழை நிறைவு நிலையை நெருங்குகிறது

எழுதியவர் Venkatalakshmi V

Sep 21, 2026

01:16 pm

செய்தி முன்னோட்டம்

இந்தியாவில் 2026-ஆம் ஆண்டிற்கான தென்மேற்கு பருவமழை இறுதி கட்டத்தை எட்டியுள்ள நிலையில், நாடு முழுவதும் ஒட்டுமொத்த மழைப்பொழிவு 15 சதவீதம் பற்றாக்குறையாகவே பதிவாகியுள்ளது. பருவமழை விலகத் தொடங்குவதற்கு இன்னும் சில நாட்களே உள்ளதால், இந்த பற்றாக்குறை நிவர்த்தியாகுமா என்ற கேள்வி எழுந்துள்ளது. இந்திய வானிலை மையம் (IMD) ஜூன் 1 முதல் செப்டம்பர் 20 வரையிலான காலத்தில் வெளியிட்டுள்ள தரவுகளின்படி, இயல்பான மழைப்பொழிவு: 822 மி.மீ பதிவான மழைப்பொழிவு: 699.7 மி.மீ பற்றாக்குறை: 15 சதவீதம் அடுத்த 5 முதல் 7 நாட்களில் வடமேற்கு இந்தியாவின் பெரும்பாலான பகுதிகளில் இருந்து பருவமழை விலகத் தொடங்கும் என எதிர்பார்க்கப்படுவதால், மழைப்பொழிவு கணிசமாக அதிகரிப்பதற்கான வாய்ப்புகள் குறைந்து கொண்டே வருகின்றன.

நிலை

டெல்லி மற்றும் வட மாநிலங்களின் நிலை

டெல்லி மற்றும் அதனைச் சுற்றியுள்ள தேசிய தலைநகர் பிராந்தியத்தில் செப்டம்பர் மாதத்தின் எஞ்சிய நாட்களில் கணிசமான மழை பெய்ய வாய்ப்பில்லை என்பதால், அங்கு பருவமழை கிட்டத்தட்ட முடிவுக்கு வந்துவிட்டது.

இருப்பினும், உத்தரப் பிரதேசம் மற்றும் பீகார் ஆகிய மாநிலங்களில் செப்டம்பர் 25 முதல் 28 வரையிலான நாட்களில் செப்டம்பர் மாதத்தின் மிக முக்கிய மழை பொழிவு இருக்கும் என வானிலை மாதிரிகள் தெரிவிக்கின்றன.

இந்த மழை இவ்விரு மாநிலங்களுக்கும் ஓரளவு நிவாரணம் அளிக்கும் என்றாலும், நாட்டின் ஒட்டுமொத்த பற்றாக்குறையை ஈடுசெய்யுமா என்பது மழையின் தீவிரத்தை பொறுத்தே அமையும்.

பற்றாக்குறை

எந்தெந்த மாநிலங்களில் பற்றாக்குறை?

இந்திய வானிலை மையத்தின் சமீபத்திய வரைபடத்தின்படி, நாட்டின் பல்வேறு பகுதிகளில் மழைப்பொழிவில் பெரும் வேறுபாடுகள் காணப்படுகின்றன.

பற்றாக்குறை நிலவும் மாநிலங்கள்: ராஜஸ்தான், பஞ்சாப், ஹரியானா, தெலங்கானா, ஆந்திரப் பிரதேசம், கர்நாடகா மற்றும் கேரளா.

இயல்பான மழை பெற்ற பகுதிகள்: மத்திய மற்றும் கிழக்கு இந்தியாவின் பல பகுதிகள்.

வானிலை முன்னெச்சரிக்கை

அடுத்து வரவிருக்கும் 10 நாட்கள் ரகசியம்

பருவமழை ஒரு பகுதியில் இருந்து விலகிய பிறகு, அங்கு பரவலான மழை பொழிவதற்கான வாய்ப்பு வெகுவாகக் குறையும்.

தற்போதைய செயற்கைக்கோள் படங்களின்படி மத்திய, கிழக்கு மற்றும் தென்னிந்திய பகுதிகளில் மேகமூட்டம் காணப்பட்டாலும், அவை தொடர் மழையாக மாறுமா என்பது கேள்விக்குறியே.

ஆரம்பக் கட்டத்தில் அதிக பற்றாக்குறையுடன் தொடங்கி, ஜூலை மற்றும் ஆகஸ்ட் மாதங்களில் மீண்டெழுந்த 2026 தென்மேற்கு பருவமழை, தற்போது 15 சதவீத பற்றாக்குறையுடன் தனது இறுதிக்கட்டத்தை நோக்கி நகர்ந்து வருகிறது.

அடுத்த 10 நாட்கள் இந்த ஆண்டின் பருவமழை அளவிற்கு மிக முக்கியமானதாகக் கருதப்படுகிறது.