'INDIAவே இந்தியாவை விட்டு வெளியேறு': எதிர்க்கட்சிகளை கடுமையாக சாடிய பிரதமர் மோடி
செய்தி முன்னோட்டம்
இன்று 508 ரயில் நிலையங்களின் மறுசீரமைப்பு பணிகளுக்கு அடிக்கல் நாட்டிய பிரதமர் மோடி, புதிதாக உருவாக்கப்பட்ட INDIA எதிர்க்கட்சி கூட்டணியை கடுமையாக சாடினார்.
இன்று இந்த திட்டத்திற்கு வீடியோ கால் மூலமாக பிரதமர் மோடி அடிக்கல் நாட்டினார்.
உத்தரபிரதேசம் மற்றும் ராஜஸ்தானில் தலா 55, பீகாரில் 49, மகாராஷ்டிராவில் 44, மேற்கு வங்கத்தில் 37, மத்தியப் பிரதேசத்தில் 34, அசாமில் 32, ஒடிசாவில் 25, பஞ்சாபில் 22 , குஜராத் மற்றும் தெலுங்கானாவில் தலா 21, ஜார்கண்டில் 20, ஆந்திரா மற்றும் தமிழ்நாட்டில் தலா 18, ஹரியானாவில் 15, கர்நாடகாவில் 13 ஆகிய நாடு முழுவதும் உள்ள 508 ரயில் நிலையங்களை மறுசீரமைக்கும் பணிக்கான திட்டத்திற்காக இந்த அடிக்கல் நாட்டப்பட்டது.
டிஜேவுகில்
அடிக்கல் நாட்டிய பிறகு பிரதமர் மோடி எதிர்க்கட்சிகள் குறித்து பேசியதாவது:
வெள்ளையனே வெளியேறு இயக்கம்(Quit India) ஆகஸ்ட் 9, 1942 இல் தொடங்கியது.
இந்த இயக்கம் சுதந்திரத்தை அடைவதற்கும், புதிய இந்தியாவை உருவாக்குவதற்கும் பெரும் ஆற்றலை அளித்தது.
நாட்டிலிருந்த அனைத்து தீமைகளையும் துடைத்து எறிய இந்த இயக்கம் உறுதி பூண்டிருந்தது.
அந்த இயக்கத்திடம் இருந்து உத்வேகத்தை பெற்ற இந்தியாவில், தற்போது எங்கும் ஒரே குரல்தான் ஒலித்து கொண்டிருக்கிறது-ஊழலா, INDIAவே வெளியேறு. பரம்பரை அரசியலா, INDIAவே வெளியேறு.
இந்தியாவில் நவீன நாடாளுமன்ற கட்டிடம் கட்டப்பட்டது. நாட்டின் ஜனநாயகத்தின் சின்னம் நாடாளுமன்றமாகும்.
புதிய நாடாளுமன்றத்திற்கு ஆளும் தரப்பிலிருந்தும் எதிர்க்கட்சியிலிருந்தும் பிரதிநிதித்துவம் உள்ளது. ஆனால், புதிய பார்லிமென்ட் கட்டடத்துக்கு, எதிர்க்கட்சியினர் எதிர்ப்பு தெரிவித்தனர்.
அதையெல்லாம் தாண்டி, ஒரு நேர்மறையான அரசியல் பாதையில் நாங்கள் முன்னேறி வருகிறோம். என்று தெரிவித்தார்.