அரசு பொது தேர்வு அட்டவணை ஓரிரு நாளில் வெளியாகும்: பள்ளிக்கல்வித்துறை அமைச்சர்
மழைக்காலத்தில் அறிவிக்கப்படும் விடுமுறைகளினால், பள்ளிகளில் பாடத்திட்டங்களை எவ்வாறு முடிக்க அரசு திட்டமிட்டுள்ளது என்பது குறித்து விளக்க, பள்ளிக்கல்வித்துறை அமைச்சர் அன்பில் மகேஷ் இன்று செய்தியாளர்களை சந்தித்தார். அப்போது அவர், தொடர் மழை காரணமாக பள்ளிகளுக்கு விடுமுறை அளிப்பது குறித்து, அந்தந்த மாவட்ட ஆட்சியாளர்களுக்கு அனுமதி அளிக்கப்பட்டுள்ளதாக தெரிவித்த அன்பில் மகேஷ், விடுமுறை அளிக்கப்பட்ட நாட்களை ஈடு செய்ய சனிக்கிழமைகளில் பள்ளிகள் செயல்படும் என கூறினார். மேலும், அரசு பொது தேர்வின் அட்டவணை ஓரிரு நாளில் வெளியாகும் எனவும் தெரிவித்தார். நீட் போன்ற தேர்வுகள், பொதுத்தேர்வு தேதிகளை ஒட்டி வராத வகையில் 3 விதமான அட்டவணைகள் தயாராக இருப்பதாகவும், மழை பொழிவை பொறுத்து, அவற்றில் ஒன்றை தேர்வு செய்து அறிவிக்கப்படும் எனவும் கூறியுள்ளார்.
