'அரசியல் ஆதாயத்துக்காக வெறுப்புணர்வை ஊக்குவிக்கிறது பாஜக': சோனியா காந்தி
செய்தி முன்னோட்டம்
பிரதமர் நரேந்திர மோடியும், பாரதிய ஜனதாவும் அரசியல் ஆதாயத்திற்காக சமூகத்தில் வெறுப்புணர்வை வளர்த்து வருவதாக காங்கிரஸ் தலைவர் சோனியா காந்தி இன்று வீடியோ செய்தியை வெளியிட்டுள்ளார்.
"இன்று, நாட்டின் ஒவ்வொரு மூலையிலும், இளைஞர்கள் வேலையின்மையை எதிர்கொள்கிறார்கள். பெண்கள் கொடுமைகளை எதிர்கொள்கிறார்கள். தலித்துகள், பழங்குடியினர், பிற்படுத்தப்பட்ட வகுப்பினர் மற்றும் சிறுபான்மையினர் பயங்கரமான பாகுபாட்டை எதிர்கொள்கிறார்கள்" என்று காங்கிரஸின் அதிகாரப்பூர்வ ட்விட்டர் பக்கத்தில் வெளியிடப்பட்ட வீடியோவில் சோனியா காந்தி கூறியுள்ளார்.
"இந்த சூழ்நிலைக்கு காரணம்... மோடி மற்றும் பாஜகவின் நோக்கங்கள் தான்" என்று அவர் மேலும் கூறியுள்ளார்.
இந்தியா
ஒடுக்கப்பட்டர்களுக்கு அதிகாரம் அளிக்க உறுதியளித்தது காங்கிரஸ்: சோனியா காந்தி
காந்தி தனது வீடியோவில், "அனைவரின் முன்னேற்றத்திற்காகவும், தாழ்த்தப்பட்டவர்களின் நீதிக்காகவும், நாட்டை வலுப்படுத்தவும் காங்கிரஸ் எப்போதும் போராடுகிறது" என்று கூறினார்.
ஒடுக்கப்பட்ட சமூகங்கள், விவசாயிகள், தொழிலாளர்கள், இளைஞர்கள் மற்றும் பெண்களுக்கு அதிகாரம் அளிக்க உறுதியளிக்கும், "நியா பத்ரா" என்ற காங்கிரஸ் கட்சியின் தேர்தல் அறிக்கையை முன்னிலைப்படுத்திய அவர், தங்களுக்கு மீண்டும் ஆதரவளிக்குமாறு வாக்காளர்களிடம் வலியுறுத்தினார்.
"அனைவருக்கும் பிரகாசமான எதிர்காலம் கிடைக்க காங்கிரஸுக்கு வாக்களியுங்கள். நாம் இணைந்து வலுவான மற்றும் ஒன்றுபட்ட இந்தியாவை உருவாக்குவோம்" என்று அவர் கூறினார்.
மக்களவை தேர்தலின் மூன்றாம் கட்ட வாக்குப்பதிவு 93 தொகுதிகளில் இன்று நடைபெற்று வரும் நிலையில், சோனியா காந்தியின் வீடியோ செய்தி வெளியிடப்பட்டுள்ளது.