புனே கார் விபத்து: அமைச்சர், எம்எல்ஏ-விற்கு தொடர்பு என புனே மருத்துவமனை டீன் குற்றச்சாட்டு
செய்தி முன்னோட்டம்
புனே போர்ஷே கார் விபத்தை விசாரிக்கும் புனே காவல்துறை, 17 வயது சிறுவன் சம்பந்தப்பட்ட விபத்துக் காட்சியை, நவீன செயற்கை நுண்ணறிவு அடிப்படையிலான கருவிகளைப் பயன்படுத்தி டிஜிட்டல் ரீதியில் ரீ-கிரியேட் செய்ய திட்டமிட்டுள்ளது.
இதற்கிடையே, சிறுவனின் ரத்த மாதிரிகளை மாற்றியதாக குற்றம் சாட்டப்பட்ட டாக்டர் அஜய் தாவேரே, மாநில மருத்துவக் கல்வி அமைச்சரின் ஒப்புதலுக்குப் பிறகே கண்காணிப்பாளராக நியமிக்கப்பட்டதாக புனே சசூன் பொது மருத்துவமனையின் டீன் கூறியுள்ளார்.
டாக்டர் அஜய் தாவேரே, ஏற்கனவே சிறுநீரக மாற்று அறுவை சிகிச்சை மற்றும் மருந்து வழக்குகளில் குற்றம் சாட்டப்பட்டிருந்தாலும், தடயவியல் மருத்துவத் துறையின் தலைவராக மந்திரியின் அறிவுறுத்தல் பேரிலேயே நியமிக்கப்பட்டார் என்று மருத்துவமனையின் டீன் விநாயக் காலே தெரிவித்தார்.
குற்ற வழக்கு பின்னணி
MLA மற்றும் அமைச்சரின் ஒப்புதல் பெற்று நியமனம்
டாக்டர் தாவேரின் நியமனம், MLA சுனில் டிங்ரேவின் பரிந்துரைபேரில் அமைச்சர் ஹசன் முஷ்ரிப் செய்ததாக காலே கூறினார்.
டிங்ரே மற்றும் முஷ்ரிப் இருவரும் ,முதல்வர் ஏக்நாத் ஷிண்டே தலைமையிலான ஆளும் பிஜேபி-சிவசேனா கூட்டணியில் அங்கம் வகிக்கும் என்சிபியின் அஜித்பவார் பிரிவைச் சேர்ந்தவர்கள் என்பது குறிப்பிடத்தக்கது.
முன்னதாக, சாஸூன் மருத்துவமனை, இரத்த மாதிரியை கையாள்வதில் குற்றம் சாட்டப்பட்ட டாக்டர் ஸ்ரீஹரி ஹல்னரை பணிநீக்கம் செய்தது.
போலிஸாரின் கூற்றுப்படி, இளைஞரிடமிருந்து இரத்த மாதிரியை எடுத்த டாக்டர் ஹல்னர், டாக்டர் தவேரின் வழிகாட்டுதலின் பேரில் இரத்த மாதிரியை மாற்றியதை வெளிப்படுத்தினார்.
மைனரின் இரத்த மாதிரிகள் சேகரிக்கப்படுவதற்கு முன்பு, இளைஞனின் தொழிலதிபர் தந்தை, வாட்ஸ்அப் மற்றும் ஃபேஸ்டைம் 14 அழைப்புகள் மூலம் டாக்டர் தாவேருடன் தொடர்பு கொண்டதும் கண்டுபிடிக்கப்பட்டது.