காசி தமிழ் சங்கத்தின் இரண்டாம் பதிப்பை பிரதமர் மோடி இன்று தொடங்கி வைக்கிறார்
செய்தி முன்னோட்டம்
காசி தமிழ் சங்கமத்தின் இரண்டாம் பதிப்பை வாரணாசியில் உள்ள 'நமோ காட்' என்ற இடத்தில் பிரதமர் நரேந்திர மோடி இன்று தொடங்கி வைக்கிறார். டிசம்பர் 17 முதல் 30 வரை இந்த கலாச்சார விழா நடைபெற இருக்கிறது.
உத்தரப் பிரதேச ஆளுநர் ஆனந்திபென் படேல், மத்திய கல்வி, திறன் மேம்பாடு மற்றும் தொழில் முனைவோர் அமைச்சர் தர்மேந்திர பிரதான், உத்தரப் பிரதேச முதல்வர் யோகி ஆதித்யநாத் உள்ளிட்டோர் இந்நிகழ்ச்சியில் கலந்து கொள்கின்றனர்.
இரண்டு நாள் பயணமாக தனது தொகுதிக்கு செல்லும் பிரதமர் மோடி, வாரணாசியில் 19,000 கோடி ரூபாய் மதிப்பிலான 37 திட்டங்களை தொடங்கி வைக்க இருக்கிறார்.
ஜடசவா
கன்னியாகுமரி-வாரணாசி புதிய ரயில்
இந்த பயணத்தின் போது, கன்னியாகுமரியில் இருந்து வாரணாசி செல்லும் புதிய ரயிலையும் பிரதமர் மோடி கொடியசைத்து தொடங்கி வைக்க இருக்கிறார்.
"பிரதமர் மோடியின் வருகைக்கான ஏற்பாடுகள் இறுதிக்கட்டத்தில் உள்ளன. அவரது நிகழ்ச்சிகள் மற்றும் அவர் தங்கும் இடங்களில் ஏற்பாடுகள் கிட்டத்தட்ட முடிந்துவிட்டன. விக்சித் பாரத் சங்கல்ப் யாத்ரா தான் இதில் முக்கிய நிகழ்ச்சியாக இருக்கும் " என்று வாரணாசி பிரிவு ஆணையர் கவுஷல் ராஜ் சர்மா கூறியுள்ளார்.
சுமார் 1,400 பேர் கொண்ட தமிழ்க் குழு, டிசம்பர் 15 அன்று சென்னையில் இருந்து வாரணாசிக்கு புறப்பட்டது.
அந்த குழு காசியில் தங்கியிருக்கும் போது, அவர்கள் பிரயாக்ராஜ் மற்றும் அயோத்திக்கும் செல்ல இருக்கிறார்கள்.