புதிய விமான நிலைய டெர்மினலை திறந்து வைக்க திருச்சி வருகிறார் பிரதமர் மோடி
செய்தி முன்னோட்டம்
திருச்சி சர்வதேச விமான நிலையத்தில் கட்டப்பட்டிருக்கும் புதிய டெர்மினலை திறந்து வைக்க பிரதமர் மோடி வரும் ஜனவரி 2ஆம் தேதி திருச்சி வர இருக்கிறார்.
திருச்சிக்கு பல நாடுகளில் இருந்து விமானங்கள் வர தொடங்கியுள்ளதால், திருச்சி சர்வதேச விமான நிலையத்தில் ரூ.1200 கோடி செலவில் ஒரு புதிய டெர்மினல் கட்டப்பட்டுள்ளது.
அது போக, முக்கிய இந்திய நகரங்களுக்கும் திருச்சியில் இருந்து புதிய சேவைகள் தொடங்கியுள்ளது.
ஏர் இந்தியா நிறுவனம் தொடங்கி இருக்கும் திருச்சி-பெங்களூர் புதிய சேவையினால் 1 மணிநேரம் 15 நிமிடத்தில் பெங்களூரை அடைய முடியும்.
ட்ஜ்கவ்
திருச்சி விமான நிலையத்தில் விமான சேவைகளை அதிகரிக்க நடவடிக்கை
இந்நிலையில், முன்புறம் கோவில் தோற்றம் கொண்ட ஒரு புதிய டெர்மினல் திருச்சியில் கட்டப்பட்டுள்ளது.
ஏற்கனவே, திருச்சி விமான நிலையத்தில் இருந்து சராசரியாக 1.5 மில்லியன் பயணிகள் பயணித்து வருகின்றனர்.
இந்த எணிக்கையை 4.5 மில்லியனாக மாற்றும் நோக்கில் 60 கவுண்டர்களுடன் புதிய டெர்மினல் கட்டப்பட்டுள்ளது.
75,000 சதுர மீட்டர் பரப்பளவில் கட்டப்பட்டுள்ள இந்த டெர்மினலில் 60 கவுண்டர்களும் 10 போர்டிங் பிரிட்ஜ்களும் இருக்கும்.
ஏற்கனவே, 10 சர்வதேச விமானங்களும் 4 உள்நாட்டு விமானங்களும் திருச்சில் இருந்து இயக்கப்பட்டு வரும் நிலையில், இந்த எண்ணிக்கை மேலும் அதிகரிக்கப்படும் என்று அதிகாரிகள் தெரிவித்துள்ளனர்.