ஜல்லிக்கட்டுக்கான அரங்கம் தயார்; கடைசி நிமிடத்தில் பீட்டா வைத்த செக்-மேட்
செய்தி முன்னோட்டம்
உலக புகழ்பெற்ற அலங்காநல்லூர் ஜல்லிக்கட்டு போட்டிக்கான முகூர்த்தக்கால் இன்று நடப்பட்டது.
ஜல்லிக்கட்டு போட்டி வருகிற 17-ம் தேதி நடைபெற உள்ளது.
இந்த முகூர்த்தக்கால் நிகழ்ச்சியில் அமைச்சர் மூர்த்தி, மாவட்ட ஆட்சியர் சங்கீதா, கிராம பொதுமக்கள், வருவாய்த்துறை அலுவலர்கள் உள்ளிட்ட பலர் கலந்து கொண்டனர்.
இந்த நிலையில்,ஜல்லிக்கட்டு போட்டியை காண, அலங்காநல்லூர் கீழக்கரையில் 66 ஏக்கரில் ரூ.44 கோடி செலவில் பிரமாண்டமாக கட்டப்பட்டுள்ள ஜல்லிக்கட்டு மைதானம், இந்த மாதம் 23 அல்லது 24-ஆம் தேதி திறக்கபட உள்ளதாகவும், அதனை தமிழக முதல் அமைச்சர் மு.க.ஸ்டாலின் திறந்து வைக்க உள்ளதாகவும் அமைச்சர் மூர்த்தி தெரிவித்தார்.
இந்த சூழலில், ஜல்லிக்கட்டு நடத்த தமிழக அரசு வழங்கிய அனுமதியை எதிர்த்து, பீட்டா அமைப்பு, உச்சநீதிமன்றத்தில் மேல்முறையீடு செய்துள்ளது.
card 2
ஜல்லிக்கட்டு வழக்கை அவசரமாக விசாரிக்க வேண்டும் என பீட்டா முறையீடு
பீட்டா மேல்முறையீட்டில், ஜல்லிக்கட்டை அனுமதிக்கும் தமிழ்நாடு அரசின் சட்டம் செல்லும் என்ற தீர்ப்பை மறு ஆய்வு செய்ய வேண்டும் என மனு அளிக்கப்பட்டுள்ளது.
அதோடு, இவ்வழக்கை அவசரமாக விசாரிக்க கோரி உச்சநீதிமன்றத்தில் கூறியுள்ளது பீட்டா.
இதனைத்தொடர்ந்து, ஜல்லிக்கட்டிற்கு எதிரான மனுக்களை பரிசீலித்து, பட்டியலிடுவது குறித்து முடிவெடுக்கப்படும் என உச்சநீதிமன்ற தலைமை நீதிபதி கருத்து தெரிவித்துள்ளார்.
ஜல்லிக்கட்டு போன்ற விளையாட்டுகள் இயற்கையான செயல் பண்புகளுக்கும், காளைகளின் குணங்களுக்கும் எதிரானது என பீட்டா அமைப்பு அந்த மனுவில் கூறியுள்ளது.
மேலும், 2017 முதல் 2022 வரை நடந்த ஜல்லிக்கட்டு போட்டிகளை நேரில் பார்த்து சமர்ப்பிக்கப்பட்ட ஆய்வறிக்கையை பரிசீலிக்க உச்சநீதிமன்றம் தவறிவிட்டது எனவும் பீட்டா தெரிவித்துள்ளது.