கோயம்பேடு மார்க்கெட்டில் சின்ன வெங்காயம் விலை உயர்வு
செய்தி முன்னோட்டம்
வரத்து குறைவு காரணமாக கோயம்பேடு மார்க்கெட்டில் சின்ன வெங்காயம் விலை உயர்ந்துள்ளது, அதேசமயம் பெரிய வெங்காயம் விலை குறைந்துள்ளது.
சென்னையின் கோயம்பேடு மார்க்கெட்டுக்கு அரியலூர், பெரம்பலூர், திருச்சி, திண்டுக்கல், தேனி, கம்பம், ஒட்டன்சத்திரம், தர்மபுரி, கிருஷ்ணகிரி மற்றும் ஓசூர் பகுதிகளிலிருந்து சின்ன வெங்காயம் தினசரி 300 டன் வருகிறது.
எனினும் இன்று காலை மார்க்கெட்டுக்கு 150 டன் சின்ன வெங்காயம் மட்டுமே வந்துள்ளதால், அதன் விலை அதிகரித்துள்ளது.
இதன்படி, இன்று ஒரு கிலோ சின்ன வெங்காயம் 50 ரூபாயிலிருந்து 120 ரூபாய்க்கு விற்பனை செய்யப்படுகின்றது.
அதேசமயம், ஒரு கிலோ பெரிய வெங்காயம் 80 ரூபாயிலிருந்து 38 ரூபாய்க்கு குறைந்து விற்கப்படுகின்றது.
விலை
மற்ற காய்கறிகளின் விலை
பெரிய வெங்காயத்தை போல, முருங்கைகாயின் வரத்து அதிகரித்துள்ளதால், இன்று ஒரு கிலோ முருங்கைக்காய் 400 ரூபாயிலிருந்து 100 ரூபாய்க்கு விற்பனை செய்யப்படுகிறது.
மற்ற காய்கறிகளின் விலைகள் இந்தவாறு உள்ளன: ஒரு கிலோ தக்காளி, கோஸ் 20 ரூபாய், உருளைகிழங்கு 33 ரூபாய், கேரட், பீட்ரூட், வெண்டைக்காய், சேன கிழங்கு, இஞ்சி, பீர்க்கங்காய், கோவக்காய், குடை மிளகாய், எலுமிச்சை பழம் ஆகியவை 50 ரூபாய்க்கு விற்பனை செய்யப்படுகின்றன.
பீன்ஸ், பட்டாணி, அவரைக்காய் 70 ரூபாய்க்கும், சவ்சவ், முள்ளங்கி 25 ரூபாய்க்கும், கத்திரிக்காய், காராமணி, பாவற்காய், கொத்தவரங்காய், மாங்காய் 40 ரூபாய்க்கும், நூக்கல், பச்சை மிளகாய், காலிபிளவர், சுரைக்காய், புடலங்காய் 30 ரூபாய்க்கு விற்கப்படுகின்றன.