குஜராத் கடற்கரையில் பறிமுதல் செய்யப்பட்ட 3,300 கிலோ போதை பொருட்கள்
செய்தி முன்னோட்டம்
இந்திய கடற்படை மற்றும் குஜராத் பயங்கரவாத எதிர்ப்புப் படையின் (ATS) உதவியுடன் போதைப்பொருள் கட்டுப்பாட்டுப் பணியகம் (NCB), குஜராத் கடற்கரையில் சந்தேகத்திற்குரிய பாகிஸ்தானிய பணியாளர்களால் இயக்கப்பட்ட படகில் இருந்து 3,300 கிலோ போதைப்பொருளைக் கைப்பற்றியது.
இந்தியத் துணைக் கண்டத்தில் இதுவே மிகப்பெரிய போதைப் பொருள் பறிமுதல் ஆகும்.
கைப்பற்றப்பட்ட போதை பொருட்களின் சர்வதேச சந்தை மதிப்பு ரூ.2,000 கோடிக்கும் அதிகமாக இருக்கும் என மதிப்பிடப்பட்டுள்ளது.கைப்பற்றப்பட்ட போதைப்பொருளில் 3,089 கிலோ கஞ்சா, 158 கிலோ மெத்தாம்பெட்டமைன் மற்றும் 25 கிலோ மார்பின் ஆகியவை அடங்கும். அது பேக் செய்யப்பட்ட உரையில், "பாகிஸ்தானின் தயாரிப்பு" என்று எழுதப்பட்டுள்ளது குறிப்பிடத்தக்கது.
குஜராத்
பறிமுதல் செய்யப்பட்ட போதை பொருட்கள்
ஒரு கண்காணிப்பு விமானத்தின் துப்பு படி, இரண்டு நாட்களாக கடலில் ரோந்து பணியில் ஈடுபடுத்தப்பட்ட இந்திய கடற்படையின் கப்பல், இந்த சந்தேகத்திற்கு இடமான படகு, இந்திய கடல் எல்லைக்குள் நுழைந்தபோது தடுத்து நிறுத்தியுள்ளது.
கப்பல் படை அதிகாரிகள் படகை சோதனை செய்ததில், பெரிய அளவிலான போதைப்பொருட்களைக் கண்டுபிடித்தனர்.
அதைத் தொடர்ந்து படகிலிருந்து ஐந்து பணியாளர்கள் கைது செய்யப்பட்டனர்.
கைப்பற்றப்பட்ட படகு, போதைப்பொருள் மற்றும் பணியாளர்கள், குஜராத் மாநிலம் போர்பந்தருக்கு விசாரணைக்காக கொண்டு செல்லப்பட்டுள்ளனர்.