என் வீட்டில் சோதனை நடைபெறவில்லை: அமைச்சர் செந்தில் பாலாஜி
செய்தி முன்னோட்டம்
தமிழ்நாடு மின்சாரத்துறை செந்தில் பாலாஜி சம்மந்தப்பட்ட 40 இடங்களில் இன்று(மே 26) அதிகாலை முதல் வருமான வரித்துறையினர் சோதனை நடத்தி வருவதாக செய்திகள் வெளியாகி இருந்தன. இது குறித்து பேசிய அமைச்சர் செந்தில் பாலாஜி, "சென்னை மற்றும் கரூரில் உள்ள எனது வீடுகளில் வருமான வரித்துறை சோதனை நடைபெறவில்லை. என் தம்பி மற்றும் தம்பிக்கு தெரிந்தவர்களின் வீடுகளில் சோதனை நடைபெற்று வருகிறது." என்று கூறியுள்ளார். செந்தில் பாலாஜியின் தம்பி அசோக் வீட்டிலும், அவரது ஆதரவாளர்கள் வீட்டிலும் இன்று காலை முதல் சோதனை நடைபெற்று வருகிறது. அமைச்சர் செந்தில் பாலாஜியின் நண்பர் ஒருவரது வீட்டில் சோதனை செய்ய வருமான வரித்துறையினர் இன்று காலை அங்கு சென்றனர்.
details
செந்தில் பாலாஜிக்கு எதிரான உச்ச நீதிமன்ற வழக்கு
அப்போது, அவரது வீடு பூட்டி இருந்ததை அடுத்து, வருமான வரித்துறையினர் சுவரேறி குதித்து வீட்டுக்குள் சென்றதாக கூறப்படுகிறது. அமைச்சர் செந்தில் பாலாஜி, கடந்த ஆட்சி காலத்தில் அதிமுக கட்சியில் இருந்தார். அப்போது, வேலை வாங்கி தருவதாக கூறி பலரிடம் பணம் பெற்றதாக அவர் மீது உச்ச நீதிமன்றத்தில் வழக்கு பதிவு செய்யப்பட்டிருந்தது என்பது குறிப்பிடத்தக்கது. இந்நிலையில், இன்று அதிகாலை முதல், கரூர், ரமேஸ்வரப்பட்டியில் இருக்கும் செந்தில் பாலாஜியின் பெற்றோர் வீடு, மற்றும் கரூர், ராமகிருஷ்ணாபுரத்தில் உள்ள அவரது சகோதரர் வீடு மற்றும் சென்னையில் உள்ள அவர் சம்மந்தப்பட்ட இடங்கள் என 40 இடங்களில் வருமான வரித்துறையினர் சோதனை நடத்தி வருகின்றனர்.