ராகுல் காந்தியின் பாதுகாப்பை உறுதி செய்யுமாறு அமித் ஷாவுக்கு, மல்லிகார்ஜுன கார்கே கடிதம்
செய்தி முன்னோட்டம்
அசாமில் பாரத யாத்திரை மேற்கொண்டுள்ள ராகுல் காந்தியின் பாதுகாப்பை உறுதி செய்யுமாறு, மத்திய உள்துறை அமைச்சர் அமித் ஷாவிற்கு காங்கிரஸ் கட்சியின் தலைவர் மல்லிகார்ஜுன் கார்கே கோரிக்கை கடிதம் அனுப்பியுள்ளார்.
கடந்த ஜனவரி 14-ஆம் தேதி மணிப்பூரின் தவுபல் நகரில் இருந்து நடைபாதையை துவங்கிய ராகுல் காந்தி, யாத்திரையின் 10-வது நாளான நேற்று அசாமின் குவாஹாத்தி நகருக்கு அவர் பாத யாத்திரையாக சென்றார்.
சுமார் 5,000-க்கும் காங்கிரஸ் தொண்டர்களும் அவருடன் சென்றனர்.
இந்த நிலையில், குவாஹாத்தி நகருக்குள் ராகுல் காந்திக்கு அனுமதி மறுத்தனர் அசாம் காவல்துறையினர்.
இதன் காரணமாக இருதரப்பினருக்கும் இடையே மோதல் ஏற்பட்டது.
இதனைத்தொடர்ந்து வெளியான வீடியோ ஆதாரத்தை அடிப்படையாக கொண்டு, ராகுல் மீது வழக்குப்பதிவு செய்ய அசாம் முதல்வர் உத்தரவிட்டார்
மேலும் சில தகவல்கள்
உள்துறை அமைச்சருக்கு கடிதம் எழுதிய கார்கே
இந்த சூழ்நிலையில், காங்கிரஸ் கட்சியின் தேசிய தலைவர் மல்லிகார்ஜூன் கார்கே,"அசாம் காவல்துறையினர் தொடர்ச்சியாக ராகுல் காந்தியின் பாதுகாப்பு வளையத்தை, பாஜக தொண்டர்கள் உடைத்து நெருங்க அனுமதிக்கின்றனர். அவர்களின் மீறல்களை கண்டு கொள்ளாமல் துணை நிற்கின்றனர். ராகுலுக்கும், அவருடைய குழுவினரின் பாதுகாப்புக்கும் அச்சுறுத்தலை ஏற்படுத்துகின்றனர்".
"அசாமில் யாத்திரையின் முதல் நாளில் இருந்தே ஒவ்வொரு நாளும் பல்வேறு இடையூறுகள் ராகுல் காந்திக்கு ஏற்படுத்தப்பட்டு வருகின்றன. அதனால் நீங்கள் தலையிட்டு அசாம் முதல்வரும், காவல்துறை டிஜிபியும் ராகுல் காந்தியின் பாதுகாப்பை உறுதி செய்யுமாறு அறிவுறுத்த வேண்டும். ஏதும் அசம்பாவித சம்பவங்கள் நடந்து ராகுல் காந்திக்கு தனிப்பட்ட முறையில் பெரிய பாதிப்பு ஏற்படுவதற்கு முன்னர், இதில் தலையிட்டு அவருடைய, யாத்திரையில் ஈடுபட்டுள்ள காங்கிரஸ் தொண்டர்கள் பாதுகாப்பை உறுதி செய்ய வேண்டும்" என்று குறிப்பிட்டுள்ளார்.