இந்தியா கூட்டணியின் தலைவராக மல்லிகார்ஜுன் கார்கே தேர்வு
இன்று நடைபெற்று வரும் எதிர்க்கட்சி கூட்டணி கட்சிகளின் கூட்டத்தில், காங்கிரஸ் தலைவர் மல்லிகார்ஜுன் கார்கே எதிர்க்கட்சிகளின் இந்தியா கூட்டணி தலைவராகத் தேர்வு செய்யப்பட்டிருப்பதாகத் தகவல்கள் தெரிவிக்கின்றன. இருப்பினும் கூட்டணி சார்பில் இதுபற்றிய அதிகாரப்பூர்வ அறிவிப்பு வெளியாகவில்லை. இந்த பதவிக்கு பீகார் முதல்வர் நிதிஷ் குமார் பெயரும் பரிந்துரைக்கப்பட்டதாக தகவல்கள் தெரிவிக்கின்றன. இருப்பினும், அவர் அந்தப் பொறுப்பை ஏற்க மறுத்ததாகவும், காங்கிரஸைச் சேர்ந்த ஒருவர்தான் பொறுப்பேற்க வேண்டும் என்று கூறியதாகவும் கூறப்படுகிறது எனினும், தொகுதி பங்கீடு குறித்து எந்த தகவலும் தற்போது வரை இல்லை. இதுபற்றி இழுபறியான நிலை நீடிக்கிறது எனவும், கட்சி தலைவர்களிடையே மனக்கசப்பு நிலவுவதால் காங்கிரஸ் கட்சியால் இது சார்ந்த முடிவை எடுக்க முடியாது என பாஜக தெரிவித்துள்ளது.