ஏறக்குறைய 50 ஆண்டுகளுக்குப் பிறகு நடைபெறும் மக்களவை சபாநாயகர் தேர்தல்: வெற்றி வாய்ப்பு யாருக்கு அதிகம்?
செய்தி முன்னோட்டம்
இன்று காலை 11 மணிக்கு 3வது நாளாக நாடாளுமன்றம் தொடங்கும் போது, மக்களவையின் சபாநாயகராக ஓம் பிர்லாவை தேர்ந்தெடுக்கும் தீர்மானத்தை ஆளும்கட்சி தலைவரும், பிரதமருமான நரேந்திர மோடி தாக்கல் செய்வார்.
அதைத்தொடர்ந்து, பாதுகாப்பு அமைச்சர் ராஜ்நாத் சிங் அவரை பின்தொடர்வார்.
1976ஆம் ஆண்டுக்குப் பிறகு, அதாவது கிட்டத்தட்ட 50 ஆண்டுகளுக்கு பிறகு முதன்முறையாகத் சபாநாயகருக்கான தேர்தல் நடைபெறவுள்ளது.
பிஜேபி தலைமையிலான தேசிய ஜனநாயகக் கூட்டணியின் (என்டிஏ) வேட்பாளராக ஓம் பிர்லா இரண்டாவது முறையாக சபாநாயகர் பதவிக்கு நிறுத்தப்பட்டார்.
மறுபுறம், எதிர்க்கட்சித் தலைமையிலான இந்திய அணியைச் சேர்ந்த தலித் காங்கிரஸ் தலைவர் கே சுரேஷ் போட்டியிடுகிறார்.
கே.சுரேஷ், எட்டு முறை எம்.பி.யாக இருந்தவர்.
வெற்றி வாய்ப்பு
ஓம் பிர்லாவுக்கு சாதமாக 13 பரிந்துரைகள்
இன்று ஓம் பிர்லாவுக்கு ஆதரவாக பெண்கள், பழங்குடியின தலைவர்கள், தலித் தலைவர்கள் உட்பட 13 பரிந்துரைகள் NDA முன்வைக்ககூடும் என இந்தியா டுடே செய்தி வெளியிட்டுள்ளது.
பிரதமர் மோடி மற்றும் ராஜ்நாத் சிங் ஆகியோரைத் தவிர, சிவராஜ் சிங் சவுகான், அமித் ஷா மற்றும் நிதின் கர்காரி ஆகியோரும் பரிந்துரைக்க உள்ளனர்.
JD(U)வின் லாலன் சிங், இந்துஸ்தானி அவம் மோர்ச்சாவின் ஜிதன் ராம் மஞ்சி, சிவசேனாவின் பிரதாப்ராவ் ஜாதவ், மதச்சார்பற்ற ஜனதா தளம் ஹச்.டி.குமாரசாமி மற்றும் அப்னா தள்-இன் அனுப்ரியா படேல் ஆகியோரும் ஓம் பிர்லாவின் ஆதரவாக முன்மொழிவுகளை முன்வைக்க உள்ளனர்.
மேலும், ஜெகன்மோகன் ரெட்டியின் YSRCP, ஓம் பிர்லாவை ஆதரிக்க முடிவு செய்துள்ளதாக கூறப்படுகிறது. ஜெகன் தரப்பில் நான்கு எம்.பி.க்கள் உள்ளனர்.
INDIA
INDIA கூட்டணியின் வெற்றி முகம்?
சபாநாயகர் தேர்தலில் 233 உறுப்பினர்களைக் கொண்ட INDIA கூட்டணி சபாநாயகர் தேர்தலில் கடும் போட்டியை சந்திக்க நேரிடும்.
NDA வின் 293 உறுப்பினர்களுக்கு எதிராக INDIA கூட்டணியில் 233 உறுப்பினர்கள் மட்டுமே உள்ளனர்.
சபாநாயகர் தேர்தலில் வெற்றி பெற, லோக்சபாவில் உள்ள 542 வாக்குகளில் ஒரு தரப்புக்கு 271 வாக்குகள் தேவை.
மேலும், சபாநாயகர் தேர்தலுக்குப் பிறகு, இந்திய அணியைச் சேர்ந்த ஐந்து பேர் உட்பட ஏழு எம்.பி.க்கள் இன்னும் பதவிப் பிரமாணம் செய்து கொள்ளவில்லை - அதாவது அவர்கள் செயல்பாட்டில் பங்கேற்க மாட்டார்கள்.
அதே நேரத்தில், ஏற்கனவே கூட்டணியில் முட்டிக்கொண்டுள்ள திரிணாமுல் காங்கிரஸ், சபாநாயகர் பதவிக்கு வேட்பாளராக கே சுரேஷை நிறுத்துவதற்கு முன், காங்கிரஸ் தங்களுடன் கலந்தாலோசிக்கவில்லை எனக்கூறியதும் குறிப்பிடத்தக்கது.