தமிழகத்தில், கரும்பு விவசாயி சின்னத்தில் போட்டியிடப்போவதாக கர்நாடகாவை சேர்ந்த பாரதிய பிரஜா ஐக்கிய கட்சி அறிவிப்பு
வரவிருக்கும் நாடாளுமன்றத் தேர்தலில் புதுவை உட்பட தமிழகத்தின் 40 தொகுதிகளிலும், கரும்பு விவசாயி சின்னத்தில் போட்டியிடப்போவதாக கர்நாடக மாநிலத்தை சேர்ந்த பாரதிய பிரஜா ஐக்கிய கட்சி தெரிவித்துள்ளது. முன்னதாக தமிழகத்தில் கரும்பு விவசாயி சின்னம், பல ஆண்டுகளாக சீமானின் நாம் தமிழர் கட்சிக்கு ஒதுக்கப்பட்டிருந்தது குறிப்பிடத்தக்கது. ஆனால், இந்தாண்டு அந்த சின்னத்தை பாரதிய மக்கள் ஐக்கிய கட்சிக்கு ஒதுக்கீடு செய்தது, தேர்தல் ஆணையம். இதனை எதிர்த்து, நீதிமன்றத்தில் வழக்கு நடைபெற்றுக்கொண்டிருக்கும் இந்த நேரத்தில், இன்று பாரதிய மக்கள் ஐக்கிய கட்சி சார்பாக ஒரு அறிக்கை வெளியிடப்பட்டது. அதில், வருகின்ற தேர்தலில் புதுவை, தமிழகம் என 40 தொகுதிகளிலும் கரும்பு விவசாயி சின்னத்தில் போட்டியிடப்போவதாகவும், இதற்கான வேட்பாளர் பட்டியல் இன்று வெளியாகும் என்றும் தெரிவிக்கப்பட்டுள்ளது.
