பாட்னா - லக்னோ இண்டிகோ விமானத்தில் மின்னல் தாக்கி முன் பகுதி சேதம்: 110 பயணிகள் பத்திரமாக தரை இறக்கம்
செய்தி முன்னோட்டம்
பீகார் மாநிலம் பாட்னாவில் இருந்து உத்தரப் பிரதேச மாநிலம் லக்னோவிற்கு 104 பயணிகள் மற்றும் 6 பணியாளர்களுடன் புறப்பட்டு சென்ற இண்டிகோ விமானம் (6E925), நடுவானில் இடி மின்னல் மற்றும் மோசமான வானிலையில் சிக்கி லக்னோ விமான நிலையத்தில் அவசரமாக தரையிறக்கப்பட்டது. சுமார் 17,000 அடி உயரத்தில் விமானம் பறந்துகொண்டிருந்தபோது, எதிர்பாராத விதமாக வீசிய பலத்த காற்றுடன் கூடிய மின்னல் அல்லது ஆலங்கட்டி மழை விமானத்தைத் தாக்கியுள்ளது. இதில் விமானத்தின் முன்பகுதியான மூக்கு ரேடோம் பலத்த சேதமடைந்தது. இருப்பினும், விமானிகளின் சமயோசிதமான செயல்பாடால் திட்டமிடப்பட்ட நேரத்திற்கு 8 நிமிடங்களுக்கு முன்பாகவே லக்னோ விமான நிலையத்தில் விமானம் பத்திரமாகத் தரையிறக்கப்பட்டது.
ட்விட்டர் அஞ்சல்
Twitter Post
A flight from Indian airline IndiGo got struck by lightning mid-air, causing severe damage to the plane's nose.
— Pubity (@pubity) October 7, 2026
However, not only did they land at their destination safely, they got there 8 minutes early despite the turbulence. pic.twitter.com/rHWlVvcpTj
ஆய்வு
பயணிகள் அனைவரும் பாதுகாப்பாக மீட்கப்பட்டனர்
விமானத்தில் இருந்த 104 பயணிகள் மற்றும் 6 விமானப் பணியாளர்கள் உட்பட அனைவரும் எவ்விதக் காயமுமின்றிப் பாதுகாப்பாக மீட்கப்பட்டனர்.
இச்சம்பவத்தைத் தொடர்ந்து விமானம் தரைமட்டமாக்கப்பட்டு(AOG) தொழில்நுட்ப சோதனைகளுக்கு உட்படுத்தப்பட்டுள்ளது.
இச்சேதம் மின்னல் தாக்குதலால் ஏற்பட்டதா அல்லது ஆலங்கட்டி மழையால் உருவானதா என்பது குறித்துப் சிவில் விமானப் போக்குவரத்து இயக்குநரகம் (DGCA) விரிவான விசாரணையைத் தொடங்கியுள்ளது.
சமீபகாலமாக இண்டிகோ விமானங்கள் மோசமான வானிலையால் அடுத்தடுத்து பாதிப்புகளுக்கு உள்ளாகி வருகின்றன.
கடந்த மாதம் குவாஹாட்டியிலிருந்து பெங்களூரு சென்ற இண்டிகோ விமானம் தரையிறங்கும்போது தரைப்பகுதியில் உரசி 'Tail Strike' விபத்துக்குள்ளானது.
அதேபோல, கடந்த ஜூன் மாதம் கொல்கத்தா விமான நிலையத்தில் நிறுத்தப்பட்டிருந்த இண்டிகோ விமானம் மீது மின்னல் தாக்கியதில் அதன் மின் விநியோகக் கட்டமைப்பு பாதிக்கப்பட்டதும் குறிப்பிடத்தக்கது.