அமெரிக்க ட்ரோன் ஒப்பந்தம்: இந்தியாவிற்கு என்னென்ன ட்ரோன்கள் கிடைக்கும்
செய்தி முன்னோட்டம்
ஜூன் 15 அன்று, பாதுகாப்பு அமைச்சர் ராஜ்நாத் சிங் தலைமையிலான பாதுகாப்பு கையகப்படுத்துதல் கவுன்சில்(DAC) 15 MQ9B கடற்படை ட்ரோன்கள் மற்றும் 16 விமானப்படை ட்ரோன்களை அமெரிக்காவிடமிருந்து வாங்குவதற்கான முப்படைத் திட்டத்திற்கு ஒப்புதல் அளித்தது.
கடற்படை ட்ரோன்கள் கடல்சார் கண்காணிப்பு மற்றும் கள விழிப்புணர்வுக்கு பயன்படுத்தப்படும். அதே நேரத்தில் விமானப்படை ட்ரோன்கள் நில எல்லைகளை பாதுகாக்க பயன்படுத்தப்படும்.
3 பில்லியன் டாலர் மதிப்புள்ள இந்த ட்ரோன்கள், அமெரிக்க வெளிநாட்டு ராணுவ விற்பனை மூலமாகவோ அல்லது அரசாங்கங்களுக்கு இடையேயான வர்த்தகம் மூலமாகவோ பெறப்படும்.
பிரதமர் நரேந்திர மோடியின் இந்த வார அமெரிக்க பயணத்தின் போது இதற்கு முழு ஒப்புதல் வழங்கப்படும் என்று எதிர்ப்பார்க்கப்டுகிறது.
ட்ஜஸ்
முதல் 10 ட்ரோன்களில் ஆயுதங்கள் எதுவும் இருக்காது
அமெரிக்காவிடம் இருந்து பெறப்பட இருக்கும் இந்த 31 ஹை அல்டிடியூட் ஹை எண்டுறன்ஸ் ட்ரோன்கள்(HALE), முப்படைகளின் நுண்ணறிவு, கண்காணிப்பு மற்றும் உளவுத்துறைக்கு பயன்படுத்தப்பட இருக்கிறது.
இந்த ட்ரோன்களை இயக்குவதற்கு தெற்கில் 1 மற்றும் வடக்கில் 2 மையங்கள் அமைக்கப்பட இருக்கிறது. வடக்கில் இருக்கும் மையங்கள் முக்கியமாக இந்திய-சீன எல்லையில் கவனம் செலுத்தும்.
அனைத்து ட்ரோன்களும் ஏவுகணைகள் மற்றும் லேசர் வழிகாட்டும் குண்டுகளை சுமந்து செல்லும் திறன் கொண்டதாக இருக்கும் என்றாலும், முதல் தொகுதியாக பெறப்பட இருக்கும் 10 ட்ரோன்களில் ஆயுதங்கள் எதுவும் இருக்காது.
31 ட்ரோன்களும் முப்படைகளின் கட்டளையின் கீழ் செயல்படும். எனினும், முப்படைகளுக்கும் சமமான எண்ணிக்கையில் ட்ரோன்கள் கிடைக்காது. தேவைகளுக்கு ஏற்ப அவை பிரித்து வழங்கப்படும்.