'இந்திக்காரர்கள் தமிழகத்தில் கழிப்பறைக் கழுவுகிறார்கள்': தயாநிதி மாறனின் பேச்சால் சர்ச்சை
செய்தி முன்னோட்டம்
உத்தரப்பிரதேசம் மற்றும் பீகாரில் இருந்து தமிழ்நாட்டிற்கு வரும் ஹிந்தி பேசுபவர்கள் கட்டுமானப் பணி, சாலைகளை அமைக்கும் பணி அல்லது கழிப்பறைகளை சுத்தம் செய்யும் பணிகளை செய்கிறார்கள் என்று திமுக எம்பி தயாநிதி மாறன் கூறியது சர்ச்சையை ஏற்படுத்தியுள்ளது.
எம்பி தயாநிதி மாறன் இந்த கருத்துக்களை தெரிவிக்கும் ஒரு வீடியோ காட்சியை பாஜக தேசிய செய்தித் தொடர்பாளர் ஷெஹ்சாத் பூனவல்லா சமூக வலைத்தளத்தில் பகிர்ந்துள்ளார்.
அந்த வீடியோவில் ஆங்கிலம் கற்றவர்களையும், இந்தியை மட்டும் கற்றவர்களையும் ஒப்பிட்டு பேசிய தயாநிதி மாறன், ஆங்கிலம் கற்றவர்கள் ஐடி நிறுவனங்களில் பணிபுரிகிறார்கள் என்றும், இந்தியை மட்டும் கற்றவர்கள் சிறிய வேலைகளைச் செய்கிறார்கள் என்றும் கூறியுள்ளார்.
சலஃன்
'மீண்டும் டிவைட் அண்ட் ரூல்': பாஜக தலைவர்
அவர் ஹிந்தி பேசுபவர்கள் குறித்து பேசி இருக்கும் வீடியோ தற்போது வைரலாகி வருகிறது.
இந்நிலையில், தயாநிதி மாறனையும் INDIA கூட்டணி கட்சிகளையும் கடுமையாக விமர்சித்திருக்கும் பாஜக தலைவர் ஷெசாத் பூனவல்லா, சாதி, மொழி மற்றும் மதத்தின் அடிப்படையில் INDIA கூட்டமைப்பு நாட்டு மக்களை பிளவுபடுத்த முயற்சிப்பதாக குற்றம் சாட்டியுள்ளார்.
மேலும், திமுக எம்பி இந்த கருத்துக்கு எதிர்ப்பு தெரிவிக்காமல் இருக்கும் INDIA கூட்டணி கட்சிகளின் செயலற்ற தன்மையையும் அவர் சாடியுள்ளார்.
"மீண்டும் ஒருமுறை டிவைட் அண்ட் ரூல் கார்டை விளையாடுவதற்கான முயற்சி இது" என்றும் பாஜக தலைவர் பூனவல்லா ட்விட்டரில் பதிவிட்டுள்ளார்.
உத்தரப்பிரதேசம் மற்றும் பீகாரில் உள்ள எதிர்க்கட்சி கூட்டணி தலைவர்கள் ஏன் வாயை திறக்க மறுக்கிறார்கள் என்றும் அவர் கேள்வி எழுப்பியுள்ளார்.