தேர்தல் முடிவுகள்: மத்திய பிரதேசம், ராஜஸ்தான், சத்தீஸ்கரில் பாஜக முன்னிலை; தெலுங்கானாவில் காங்கிரஸ் முன்னிலை
செய்தி முன்னோட்டம்
சத்தீஸ்கர், தெலுங்கானா, ராஜஸ்தான் மற்றும் மத்தியப் பிரதேசம் ஆகிய மாநிலங்களுக்கான சட்டமன்ற தேர்தல் வாக்கு எண்ணிக்கை இன்று நடைபெற்று வரும் நிலையில், 3 மாநிலங்களில் பாஜக முன்னிலையில் உள்ளது.
மத்தியப் பிரதேசம், ராஜஸ்தான், சத்தீஸ்கர் ஆகிய மாநிலங்களில் காங்கிரஸ் கட்சியை விட பாஜக முன்னிலை வகிக்கிறது.
மத்திய பிரதேசத்தில் 158 தொகுதிகளிலும், ராஜஸ்தானில் 112 தொகுதிகளிலும் மற்றும் சத்தீஸ்கரில் 49 தொகுதிகளிலும் பாஜக முன்னிலையில் உள்ளது.
எனினும், தெலுங்கானாவில் காங்கிரஸ் கட்சி 68 தொகுதிகளில் முன்னிலை வகித்து வருகிறது.
டவ்கிரோஜ்
கஜ்வேலில் கேசிஆர் முன்னிலை; சத்தீஸ்கர் முதல்வர் பாகேல் பின்னடைவு
மத்தியப் பிரதேசம், சத்தீஸ்கர் மற்றும் ராஜஸ்தானில் பாஜக முன்னிலை பெற்றுள்ள நிலையில், தெலுங்கானாவில் காங்கிரஸ் பெரும்பான்மையை தாண்டியுள்ளதாக ஆரம்ப காலப் போக்குகள் காட்டுகின்றன.
தெலுங்கானா முதலமைச்சரும் பாரத ராஷ்டிர சமிதியின்(பிஆர்எஸ்) தலைவருமான கே.சந்திரசேகர் ராவ் கஜ்வேலி தொகுதியில் முன்னிலையில் உள்ளார். ஆனால் காமரெட்டி தொகுதியில் பின்தங்கியுள்ளார்.
இதேபோல், காங்கிரஸ் தலைவரும் சத்தீஸ்கர் முதல்வருமான பூபேஷ் பாகேல் தனது தொகுதியான படான் தொகுதியில் பின்தங்கியுள்ளார்.
டவ்ஜஃபின்
ராஜஸ்தான் முதல்வர் கெலாட் முன்னிலை
ராஜஸ்தானின் தற்போதைய முதல்வரும் காங்கிரஸ் தலைவருமான அசோக் கெலாட் சர்தார்புரா தொகுதியிலும், முன்னாள் பாஜக முதல்வர் வசுந்தரா ராஜே, ஜால்ராபதான் தொகுதியிலும் முன்னிலை வகிக்கின்றனர்.
மத்தியப் பிரதேசத்தின் முதல்வர் சிவராஜ் சிங் சவுகான் அவரது தொகுதியில் முன்னிலையில் உள்ளார்.
மத்தியப் பிரதேசத்தின் சிந்த்வாரா தொகுதியில் போட்டியிட்ட காங்கிரஸ் பிரமுகரும், முன்னாள் முதல்வருமான கமல்நாத் தொடக்கத்தில் பின்தங்கி இருந்த நிலையில், தற்போது கிட்டத்தட்ட 6,000 வாக்குகள் வித்தியாசத்தில் முன்னிலையில் உள்ளார்.பகுஜன் சமாஜ் கட்சியின் (பிஎஸ்பி) பல்வீர் சிங் தண்டோடியாவை விட பாஜகவின் நரேந்திர சிங் தோமர் டிம்னி தொகுதியில் முன்னிலையில் உள்ளார்.
சஜ்ஜில்கஃவ்
டெல்லியில் உள்ள காங்கிரஸ் தலைமையகத்தில் கொண்டாட்டம்
தெலுங்கானாவில் காங்கிரஸ் பெரும்பான்மையை தாண்டியுள்ள நிலையில், புதுடெல்லியில் உள்ள காங்கிரஸ் தலைமையகத்தில் ஏற்கனவே கொண்டாட்டங்கள் தொடங்கிவிட்டன.
மேலும், காங்கிரஸின் வெற்றி பெற்றதும் அதை கொண்டாட ஹைதராபாத் தாஜ் கிருஷ்ணாவில் சொகுசு பேருந்துகள் நிறுத்தி வைக்கப்பட்டுள்ளன. தெலுங்கானா மாநில கட்சி தலைவர் ரேவந்த் ரெட்டியின் இல்லத்திற்கு வெளியே பட்டாசுகளை வெடித்து தொண்டர்கள் கொண்டாடி வருகின்றனர்.
அது போக, ராஜஸ்தானில் பாஜக முன்னிலையில் உள்ளதை அடுத்து, ஜெய்ப்பூரில் உள்ள பாஜக மாநில தலைமையகத்திற்கு வெளியே பாஜக தொண்டர்கள் ஆடி பாடி கொண்டாடி தங்கள் மகிழ்ச்சியை வெளிப்படுத்தி வருகின்றனர்.
ட்விட்டர் அஞ்சல்
ஜெய்ப்பூரில் உள்ள பாஜக மாநில தலைமையகத்தில் கொண்டாட்டம்
जयपुर में बीजेपी मुख्यालय के बाहर#RajasthanElectionResults pic.twitter.com/HFVngYE8QU
— Avdhesh Pareek (@Zinda_Avdhesh) December 3, 2023