இந்திய-சீன எல்லையின் நிலைமை நிலையாக உள்ளது: சீன அமைச்சர்
செய்தி முன்னோட்டம்
இந்திய-சீன எல்லையின் நிலைமை நிலையாக உள்ளது என்றும், இரு தரப்பும் தொடர்புடைய உடன்படிக்கைகளை கண்டிப்பாக கடைபிடிக்க வேண்டும் என்றும் சீன வெளியுறவுத்துறை அமைச்சர் குயின் கேங் வலியுறுத்தியுள்ளார்.
வியாழனன்று கோவாவில் உள்ள பெனாலிமில் நடந்த SCO வெளியுறவு அமைச்சர்கள் கூட்டத்தின் போது அவர் இந்திய வெளியுறவுத்துறை அமைச்சர் எஸ். ஜெய்சங்கருடன் பேச்சு வார்த்தை நடத்தினார்.
அப்போது அவர் இந்திய-சீன எல்லையில் நிலைமை நிலையாக உள்ளது என்று கூறினார்.
இது கிழக்கு லடாக்கில் நடந்து வரும் இராணுவ நிலைப்பாட்டை குறிக்கிறது.
கிழக்கு லடாக்கில் உள்ள உண்மையான கட்டுப்பாட்டுக் கோட்டில்(LAC) மூன்று ஆண்டுகளாக தீர்க்கப்படாத இராணுவ பிரச்சனைகள் இரு நாடுகளுக்கும் இடையே நடந்து வருகிறது.
details
எல்லைப் பகுதிகளில் நிலையான அமைதியை பேண வேண்டும்: சீனா
அப்போது, பெய்ஜிங் எல்லை ஒப்பந்தங்களை மீறுவதாக புது டெல்லி குற்றம் சாட்டி இருந்தது.
இரு அண்டை நாடுகளுக்கிடையேயான உறவுகளை சீராக்குவதற்கு, தற்போது நிலவும் பதற்றத்தைத் தீர்ப்பது மிக முக்கியம் என்று இந்தியா பல நாட்களாக கூறி வருகிறது.
இந்நிலையில் நேற்று இந்திய வெளியுறவுத்துறை அமைச்சரை சந்தித்த சீன அமைச்சர் கூறி இருபதாவது:
"இரு நாட்டு தலைவர்களின் முக்கியமான ஒருமித்த கருத்தை இரு தரப்பினரும் தொடர்ந்து செயல்படுத்த வேண்டும். தொடர்புடைய உடன்படிக்கைகளை கண்டிப்பாக கடைபிடிக்க வேண்டும். ஏற்கனவே உள்ள சாதனைகளை ஒருங்கிணைக்க வேண்டும். எல்லைப் பகுதிகளில் நிலையான அமைதியை பேண வேண்டும். எல்லை பிரச்சனைகளை தீர்ப்பதற்கு அழுத்தம் கொடுக்க வேண்டும்"