சென்னை - மும்பை இண்டிகோ விமானத்திற்கு வெடிகுண்டு மிரட்டல்; பயணிகள் பத்திரமாக வெளியேற்றம்
சென்னையில் இருந்து மும்பை வந்த இண்டிகோ விமானத்துக்கு வெடிகுண்டு மிரட்டல் வந்ததால், விமானம் மும்பை விமான நிலையத்தில் பத்திரமாக தரையிறக்கப்பட்டது. விமானம் டெர்மினலுக்கு திரும்பும் முன் பாதுகாப்பு சோதனைகளுக்காக தனிமைப்படுத்தப்பட்ட இடத்திற்கு கொண்டு செல்லப்பட்டது. இதுபற்றி வெளியான அறிக்கையில், விமான நிறுவனம் வெடிகுண்டு மிரட்டலை உறுதிப்படுத்தியதுடன், பயணிகள் அனைவரும் பாதுகாப்பாக இறக்கிவிடப்பட்டதாகவும் கூறியது. "சென்னையில் இருந்து மும்பைக்கு இயக்கப்படும் இண்டிகோ விமானம் 6E 5149, வெடிகுண்டு மிரட்டலைப் பெற்றுள்ளது" என்று விமான நிறுவனம் தெரிவித்துள்ளது. "அனைத்து பயணிகளும் விமானத்தில் இருந்து பாதுகாப்பாக இறங்கியுள்ளனர். நாங்கள் பாதுகாப்பு நிறுவனங்களுடன் இணைந்து பணியாற்றி வருகிறோம், மேலும் அனைத்து பாதுகாப்பு சோதனைகளும் முடிந்த பிறகு, விமானம் மீண்டும் முனையப் பகுதியில் நிலைநிறுத்தப்படும்" என்று அது மேலும் கூறியது.
